[aymanay32]

المشاركة الأصلية كتبت بواسطة amrmohamed1975 تجربة شخصية و تحولت للادمانfficeffice" /> ------------------ بسم الله الرحمن الرحيم ممكن يكون الموضوع ده مكانه مش هنا بس للاسف انا كتبته امبارح و مش عارف ليه مش موجود ممكن اكون متاكدتش من اضافته و ارجو من الادارة اذا كان هذا المكان ليس المكان المناسب ان تنقله و ناتي للموضوع و الله العظيم الكلام الاتي هو فعلا تجربة شخصية حقيقية و ليست من وحي الخيال او حكايات الناس كما ان الهدف منها ليس النفاق او الرياء معاذ الله انما احقاقا للحق و احساس حقيقي حاولت ان انقله للاعضاء لا مش هقول الاعضاء هقول الاخوة انا / عمرو محمد سني 35 سنة و دي تجربتي الشخصية التي تحولت فيما بعد لنوع من انواع الادمان التي اسال الله سبحانه و تعالي الا يعافيني منه ابدا طالما استمر الوضع بهذا القدر من الحب و العطاء و التفاني و حب الخير للجميع و اعتذر عن المقدمة الطويلة بعض الشئ و لكن رايت انها ضرورية من وجه نظري و لنذهب لاروي لكم تجربتي و سامحوني ايضا فيما بعد اذا تحولت عن الفصحي للعامية . بداءت تجريتي يوم 30مارس 2010 بتسجيل نفسي كا عضو بالمنتدي عضو جديد يدخل كل يومين ثلاث يبص على المشاركات و يحاول يستفيد من خبرات الاعضاء و يطلع تاني دون اي مشاركة ثم حاولت اكتب استفسار اسأل فيه الاعضاء عن ارئهم فى الاختيار و المفاضلة بين سيارة او اكثر زي ما عملت فى اكثر من منتدي و لكم كانت دهشتي بالاستجابة السريعة و النصائح المفيدة و المساعدات الفاعلة تصدقوا انا اختارت العربية بناء على نصائح الاستاذ بدر بسيوني و احمد ممدوح و موضوع حازم خضر تجربتي مع الماتريكس مع الاحتفاظ بالالقاب طبعا و اللي ساعدني اني اشتريها الاستاذ سيف الدين مشرف القسم التجاري. ثم وجدت نفسي فجاة بدون اي مقدمات و على مدار سبعة اشهر هي تاريخ ميلادي فى المنتدي جزء من نسيج هذا الكيان احب اشخاصه بدون سابق معرفة او حتي لقاء لما لمست بينهم من حب صادق و اجتماع على الخير و بدافع افادة بعضهم البعض . حتي فى عز ما انا راجع من شغلي تعبان و هلكان مصر موتورز اصبح المتنفس الوحيد لي سواء و انا فى القاهرة فى البيت او و انا مسافر و الله العظيم انا لا امدح احد لغرض شخصي و لا سابق معرفة و لكنها الحقيقة عارفين يمكن انا لسه قايل الكلام ده لاستاذنا الكبير استاذ اشرف koashraf فى مداخلة فى موضوع مين زار واحة سيوة و اسمحولي اقوله تاني زمان و انا صغير لما كنت بصحي الصبح كنت اجري على ابويا اصبح عليه هو و الحاجة و دلوقتي بدخل اصبح على بناتي بس زاد عليهم مصر موتورز بدخل الصبح زي ما كون بدور على افراد اسرتي اصبح عليهم و اطمئن عليهم و ابقي زعلان لو ملقيتش حد منهم موجود استاذ اشرف - استاذ نبيل عبد الرحمن- استاذ خالد خليفة - استاذ حازم شاهين - استاذ وائل ابو نورا - استاذ سيف الدين - استاذ احمد فاروق – استاذ احمد ممدوح – استاذ حازم خضر استاذ بدر بسيوني – استاذ علاء صفوت- استاذ كريم علي - استاذ هشام باهي – استاذ احمد بدر 1978 - استاذ bAdR – الاستاذ معتز محمود- الاستاذ طارق البدري- الاستاذ سومو و اسف ازا كان الترتيب جه كده عشوئي حسب الذاكرة مش تقليل من مكانة حد او تفضيل لحد على حد ممكن الذاكرة لا تسعفني الان لكي اتذكر باقي افراد اسرتي الجديدة و التي بسم الله ماشاء الله تجاوزت الـــ80 الف عضو بس بجد ده الاحساس اللي كان جوايا حبيت انقله ليكم ربنا يجمعنا على الخير دائما و ما يفرقنا ابداء و كل عام و انتم دائما بخير و تقدم و ازدهار اخوكم عمرو محمد

فعلا دة محتاج علاج
بس ده مش ادمان
انا كمان بعانى من نفس المشكلة
و دة يبيرجع الى ان الانسان مخلوق تفاعلى و يحتاج الى التفاعل و العلاقات الاجتماعية و تزداد هذه الحاجة عندما تنحصر الاهتمامات فى مواضيع قليله
فمثلا تجد السيدات تنحصر بعض اهتمامات سيدة فى مشاهدة المسلسلات التليفزيونية و ان بحثت عن صديقاتها المقربين تجدهن يهتمون بمشاهدة المسلسلات ايضا
و كما يقول المثلا الطيور على اشكالها تقع
و انت مرآة صديقك
فان الحاجة الاجتماعية للانسان تضطرة الى البحث عن النواقص لدية لدى الاخرين
و لذلك تجد نفسك بشكل تلقائى تقبل على الكمبيوتر و النت لدخول نايل موتورز و التفاعل معها بكل شكل و تبحث عن شىء يميزك او شىء جديد لتتعلمه او تعرفة و رغبه منك فى التواصل مع الاعضاء الذين تربطك بهم نفس الرغبة فى السيارات او الامزجة
و لن تتخلص من هذه العادة مهما حدث ومهما حصل
و لن ينفع علاج او دواء

ما يجب عليك ان تفعله ان تبحث فى بيتك عن شخص قد تستطيع ان تتحدث معه فى نفس المجال الذى تكتب فبه او تشاهدة فى مصرموتورز و ان لم تجد فعليك و الزملاء فى العمل لربما تجد احدهم فى المنتدى كما حدث معى ووجدت زميلى فى المكتب معى فى مصر موتورز و لا اخبرك بما حدث لاننا اصبحنا جحيما للمكتب كلة فبعد ان كنت اتحدث عن سيارتى و هو يتحدث عن سيارته و ينتهى الحديث و الحكاوى فى المكتب عند هذا الحد اصبحنا نتحدث عن كافة مواضيع المنتدى فى الشغل
و اللى مدخلش امبارح يبقى عاوز يعرف ايه المواضيع اللى اتكتبت من التانى
و لو دخلنا احنا الاثنين كل واحد عاوز يحكى للتانى عن المواضيع اللى قراها و خلفيته عن المشاركه و الردود اللى فيها
و يا حبذا لو فيه مشاركة و لا موضوع عدا من واحد فينا و التانى يبدأ يحكية ابتداء من اول كلمة لاخر مشاركة فيه و اراءة فى كل مشاركة و بذلك اصبح هناك شخص جديد يغنينى بعض الوقت عن مصرموتورز لانه بيقدم لى تقرير يومى عنها
فبدأت استغنى يوم او اثنين فى الشهر عن الدخول للمنتدى

و لذا ادعود ان وجدت علاج ابعتلى نسخة منه علشان اتعالج معاك