هههههههههههههههه
مشكور
على النقل الطيب صراحة اسلوب فعلا بتاع كتاب او صحفيين
خلاصة الكلام دة هى مصر
لكن بعد مرور عدة شهور هتلاقى نفسك عادى جدا والحاجات دى ما تلفتش نظرك خالص وعينك هاتتعود لى كل المناظر دى بس لى وصية اوصيها لك
عاوز تسوق فى القاهرة لازم تاخد دورة تدريبية على مكروباص ويا حبذا لو السلام رمسيس مثلا او وايلى عتبة والكورس ما يقلش عن 3 شهور صدقنى بعدها هاترتاح اوى واللى بيتعمل فيك دلوقتى انت اللى هاتعملو فى الناس وما تتخيلش مدى سعادتى اد اية اما بزنق على مكروباص او اخلص نفسي من وقفة او شارع واقف وانا من بين العربيات بفضل يمين وشمال لغاية اما اخرج يااااااااااة سعادة غامرة ...طب تحب اؤلك نظرية سواقة المكروباص
هانفترض مثلا انك داخل من شارع فرعى لشارع رئيسي فى الاتجاة اليمين المفروض انك بتبص شمال عشان تلحم مع العربيات اللى جاية وهتاخد نفس طريقك لالالالالالالالالالالا انت بص يمين او اعمل نفسك بتبص يمين وطرف عينك بس اللى يبص شمال لو اللى ادامك اتهز ووقف تعدى انت لو ما اتهزش وفضل مكمل معلش بقى استناة انت طريقة خوف اللى ادامك او جس نبضة لقيتة خفيف اتكل على الله والله انا مش كدة ولا دة اسلوبى فى الحياة عموما بس لقيت نفسي بتاخر اوى فى اى مشوار هو فى اية يا جماعة وانا بطبعى مش انهزامى والحمد لله ربنا اللى بيسترها
اصحابى اما بيركبو معايا ونكون خارجين مشوار او ما استلم الطريق يقولو المطكاردة ابتدت معرفش لية بتقمص شخصية الافلام الامركانى ان فى حد بيجرى ورايا او انا بجرى ورة حد بس بتوفيق ربنا عمرى ما لمست حد