رد: متوسط اسعار المستعمل هذا الاسبوع
دكتور تامر
كل سنة و حضرتك طيب
سمعت ان المرسيدس الشمامة (74 - 78 )بقي سعرها في الارض و بتعمل 14 و 15 و كلام من ده و المعدلة من 78 الي 83 بتعمل من 25 الي 35 الف فهل الكلام ده صح ؟؟؟ أنا كلامي عن الـ 2000 سي سي
طبعا المرسيدس ركوبة لا يعلي عليها وا ينفعش نقارنها بعربيات ثانية ، أنا فاهم ده كويس جدا بس انا كنت محتاج رأي الخبير خاصة اذا ما تم ادخال معاملات الصيانة و قطع الغيار و استهلاك البنزين و عمر السيارة نفسه ايضا في الاعتبار
فهل سيادتك تنصح باقتناء اي منهما ام مثلا بعض البدائل الاخري المتاحة اللي انا شايف انها ممكن تبقي افضل كحالة نوعا ما (اكسنت - جولف 3 موديل93 94 - سيفيك 93 - بي ام 316 87 88 - جولف 2 87 88 و اوفر الفرق)
مع العلم بان الافضلية الشخصية عندي هتكون لقيمة شراء مناسبة و تكاليف تشغيل مقبولة .
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|