[خالدخليفة]

المقالة (9)
رأفــــت الهجــــان

من أنجح المسلسلات التى تابعتها وانا من المتابعين الغير جيدين للتلفزيون أساسا اللهم الا القنوات الدينية او البرامج السياسية
وكان عندما عرض الجزء الأول منه لاول مرة كان الشارع يخلو من الناس تقريبا والثانى والثالث وهكذا
تذكرت هذا المسلسل وهذه الشخصية والتى كان اسمها الحقيقى رفعت الجمال
حين قرأت تصريحا لرئيس جهاز الموساد السابق وهو يسلم مهام منصبه الى الرئيس الجديد للموساد
قائلا : استطيع ان اقول اننا فعلنا بمصر فى العشرين سنة الماضية مالن يستطيع احد بعد مبارك اصلاحه أبدا
واخذ بسلامته يعدد انجازاته
فقال / لقد نجحنا لاول مرة فى الوقيعة بين المسلمين والمسيحيين
وسببنا للمصريين مشاكل فى منابع النيل
ثم صدرنا لهم الأزمة بين فتح وحماس
وعملنا على اهتراء (تمزيق ) الوضع الداخلى بمصر
واستطيع ان اسلم القيادة الان وانا مرتاح الضمير لانى حققت انجازا كبيرا
الى هنا انتهى كلام بسلامته وهو نقلا عن صحيفة المصرى اليوم منذ عدة أيام

والحقيقة لى عدة ملحوظات على هذا الكلام
اولا / خد بالك من اول جملة لما قال: فى العشرين سنة الماضية (يعنى فى عهد سيادة اللواء )
ثانيا /لما قال: ما لن يستطيع اى نظام بعد مبارك (ومعناها ان نظامنا الرشيد ساعده
فى مهمته )
ثالثا / باقى انجازات سيادته من تمزيق العلاقة بين المسلمين والمسيحيين الى منابع النيل وغيرها
طيب احنا كنا فين ؟؟؟؟
هما ابناء او احفاد رأفت الهجان خلصو
ولا معندناش رافت الهجان تانى ؟؟؟؟
طيب نجيب رأفت السباك!!!!!!! ..... او رأفت الحلاق!!!!!!! .....أو رأفت الجزار !!!!!!!
اى رأفت والسلام !!!!!!!
انما نسيبها فاضية لاولاد الأرندلى يبرطعو فيها كده ؟؟؟؟؟؟؟؟؟
سداح مداح؟؟؟؟؟؟؟؟
ولو المواطن الغلبان راح يقضى أى مصلحة يشخطو فيه ويقولوله/ أييييه انت فاكرها سايبة ؟؟؟؟
طيب ماهى سايبة أهى وعايبة ونايبة كمان
وانا اقول ياربى اشمعنى احنا البلد الوحيد اللى رئيس مخابراته معروف بالأسم وكل يوم طالع علينا من الجرنان
وتسأل اى طفل ماشى فى الشارع وجاى من الحضانة وماسكاه والدته

رئيس مخابراتنا العامة أسمه ايه ياحبيبى
يرد عليك بثقة ويقول / أسمه عمو عمر سليمان
وتفتح الجرنان
عمر سليمان راح ..... عمر سليمان جه ..... عمر سليمان فطر ....عمر سليمان اتغدى ....عمر نام .....عمر صحى .....عمر مزاجه رايق... لا مش رايق
أيه ده ؟؟؟؟
وبعدين يطلع علينا واد صايع سنكوح بتلاتة تعريفة يقول الكلمتين دول ؟؟؟؟؟؟
(الى الجيل الجديد/ التعريفة =5 مليمات & والجنيه =200 تعريفة )

بقى ده كلام ؟؟؟؟
أومال هذا الـــ عمر سليمان بيعمل أيه ؟؟؟
وانا من هذا المنطلق ادعو الى تكوين منتخب جديد نسميه منتخب رأفت الهجان
مهمته ان يلاعب اسرائيل فقط
طالما احنا مبنفهمش غير فى الكورة
هنعمل ايه مهو احنا عندنا جيل الكورة ....وجنون الكورة
وأما أسرائيل تركناها تنخر فى الجسد المصرى كما السوس
ولازال
عمر بيه رايح .....عمر بيه جاى .....عمر بيه فطر ....عمر بيه اتغدى
الخ ..... الخ .........الخ
ولنا الله من قبل ومن بعد