كيا سيراتو موديل 2011 بـ 60 الف بدلا من 120 الف
من شوية كنت بتفرج على قناة اوتو موتو لقتهم عاملين حاجة جديدة الغرض منها النصب على الناس
عاملين مزاد اشرحلكم ازاى
طبعا جابو ما يدعون انة المستشار الاعلامى الرسمي لقناة اوتو موتو ومستضيفة مزيع وبيقولة اية الحكاية
رد علية وبيقولو ان اى واحد بيشترى عربية جديدة عاوز يوفر الف او اتنين انما على قناة اوتو موتو التوفير ممكن يكون عشر الاف او عشرين او خمسين
طب ازاى ( دة طبعا المزيع ) رد علية وقالو هانعمل مزاد على العربية واللى يرسى علية المزاد هو الفائز طب ازاى.... هانبدا المزاد مثلا ب60 الف جنية وليك الحق انك تعلى من عشرة جنية و بحد اقصى 100 جنية
واول ما يقفل المزاد بعد ساعة بعد اتنين نشوف اعلى سعر وهو دة اللى هايكون الفائز
المزيع- طب لو انا مش معايا المبلغ كولة
طبعا من حقك تشترك وتدفع اللى معاك مقدم وقناة اوتو موتو تقسطلك الباقى بالتعاون مع احد البنوك
المزيع- طب لو انا مش معايا فلوس خالص
برررررردة تشترك وفرق السعر بين ثمن السيارة الفعلىوالسعر اللى انتهى الية المزاد قناة اوتو موتو هاتدفعهولك
هههههههههههههه
اية مش سامع دحك يعنى يا شباب
يعنى مثلا السيراتو تمنها 120 الف وانا مش معايا جنية واحد يوحد ربنا اقوم اتصل واقول مثلا 60الف ومية جنية
وفورا يقفل المزاد وابقى انا الكسبان وقناة اوتو موتو تدينى مبلغ 59900 جنية
الله لعبة حلوة صح
والله انا لو قلت كدة لمازن ابنى ( عندة 4 سنين ) هايتبرى منى ويقلى اية يا بابا اللعب الرخمة دى
والله يا جماعة وانا بتفرج على الاعلان دة حسيت بكمية ريالة كبيرة اوى نازلة من بؤى
وكنت عاوز اتصل فورااااااااااا بس خسارة مش معايا رصيد
وكمان المزاد يوم الجمعة الجاية
اة نسيت اؤلكم اثناء البرنامج جابو واحد بيعمل نفسة بيتصل عشان يجرى ريقك
الو قناة اوتو موتو
عاوز اشترك فى المزاد
المفروض الطرف التانى اسمك اية
يقوم قايل اسمة
وطبعا شكل اللى بيتصل عامل النضافة بتاع القناة او كهربائي القناة حاجة كدة يعنى
بالمناسبة يا جماعة حد كسب او عرف على الاقل حد كسب فى مسابقات 099
ادينا اهو حوالى 80 الف عضو فى الموقع اما نشوف
التعديل الأخير تم بواسطة mr_astra ; 17-11-2010 الساعة 09:17 AM
|