رد: ساعدوني انا محتار اشتري عربية ايه
انا الي بفكر فيه دلوئتي اني اجي علي نفسي شوية و ازود المقدم شويتين
و بدل ما اقسط علي 5 سنين هقسط ان شاء الله علي 24 شهر او 30 شهر بالكتير و بالتالي المبلغ الي هيزيد علي تمن العربية هيبقي اقل بس في الحالة دي مش هيبقي ادامي غير اللوجان او اي عربية في نفس الفئة السعرية
و بصراحة انا كدة كدة بزهق بسرعة رهيبة من العربيات فمش ناوي تقعد معايا اكتر من سنتين و اغير
و الحسابات بتاعتي كالتالي:
مرابحة كونتاكت كارز حوالي 10.78% كل سنة
انا عارف ان في بنوك بتدي بمرابحة 6 او 7 % بس بعد مداولات و مشاورات استقر الرأي علي ان كونتاكت هم الاقرب و الاكثر تطبيقا للنظام الاسلامي
اللوجان تمنها 68500 علي 5 سنين هتقف عليا ب 98000
اللوجان تمنها 68500 علي سنتين اتنين بس هتقف عليا ب 77000
طبعا الفرق رهيب عشان كدة هتوكل علي الله في قسط السنتين
السؤال المهم هنا طالما انا ناوي اغيرها بعد سنتين فهل اللوجان اختيار جيد؟ يعني هل هتتباع بسهولة؟ و المتوقع ان تمنها بعد سنتين يكون كام؟
انا عارف السؤال صعب لان متغيرات السوق كتير جدا
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا
اكتب ان شاء الله ولا تكتب انشاء , بارك الله فيكم
|