رد: سؤال عن بطارية السياره
السلام عليكم ورحمة الله
يوجد فى سيارت البنزين دائرة كهربائية لتكبير الفولت من 12 فولت مستمر الى حوالى 24000 فولت وهو دة اللى بيوصل لشمعات الاحتراق لزوم اشعال خليط الوقود
والدائرة عبارة عن
1- البطارية
2- الكونتاكت
3- الموبينة
4- الابلاتين
5- الكوندنسر
6- اسلاك توصيل
الاسبراتير
7- الشاكوش
8- البوجيهات
يبقى الداخل 12 فولت والخارج على رؤوس شمعات الاحتراق 24 كيلو فولت ويتم توزيعهم عن طريق الشاكوش بتزامن معين بمعنى الشاكوش بيوصل كهرباء ( 24 كيلو فولت) للبستم رقم واحد وهو فى النقطة الميتة العليا فى شوط الضغط وبعدين يوصل للبستم رقم 4 وهو فى نفس النقطة ( الميتة العليا ) فى شوط الضغط وبعدين البستم رقم 3 وبعدين البستم رقم 2
ونتيجة للفولت العالى جدا بتقفز الشرارة من خلال القطب الموجب لشمعة الاحتراق وبدورها ( الشرارة ) تكون كافية لاشعال خليط الوقود المكون من البنزين والهواء ويحدث عنة ضغط كبير جدا يكون كافى لضغط البستم لاسفل ( حركة ترددية ) وتنقل الحركة الترددية لعامود الكرنك ( حركة دورانية ) وتختزل الحركة على عامود الكرنك عن طريق الحدافة لحين دور البستم التالى ..... يبقى شمعة الاحتراق هتاخد الطرف الموجب من سلك التوصيل الواصل بين الاسبراتير( الشاكوش) وشمعة الاحتراق والطرف السالب هو ارضي الموتور نفسة والمتمثل فى قلاووظ البوجية والطرف الارضي موصل معة الكوندنسر على الجسم المعدنى للاسبراتير ووظيفتة تحسين وتخزين الشحنة وتفريغها
بعتزر عن ردائة اسلوب الشرح وبتمنى انى اكون افدتك
التعديل الأخير تم بواسطة mr_astra ; 16-11-2010 الساعة 10:52 AM
|