[حسام البورسعيدى]

انا طبعا بحييك اولا على الموضوع المهم اللى حضرتك طرحته للنقاش ...

طبعا انا مش متزوج علشان كده رأيى هيكون بدون تجربة ...

مبدئيا طبعا كلنا متفقين ان الزواج زى ما له ايجابيات له سلبيات .. وبما ان الزواج عشرة ومن المفترض ان تدوم طوال العمر .. لازم نتريث واحنا بنختار شريك حياتنا (سواء كنت رجل او امرأه) .. وطبعا اكيد لغاية دلوقتى احنا متفقين ...

طبعا فى ظل ما نعيشه هذه الايام من ضيق فى المعيشة والغلاء المستمر .. اصبح الزواج من اصعب الامور ... وبالتالى للاسف اصبح الزواج فى مصر يحدث له (تلصيم) .. نظرا لقلة الامكانيات .. وعلشان كده ارتفعت نسبة الطلاق فى مصر فى الايام الاخيرة الى ما يقارب 50% من حالات الزواج .. والسبب عدم وجود التفاهم والاقتناع الكافى من طرف الزوجين قبل الزواج ...

يبدأ بعض الرجال فى (ندب حظهم) بعد الزواج ويندم على زواجه ولكن بعد فوات الاوان .. ويؤدى به تفكيره الى التفكير فى زوجة ثانية (التعدد) .. ومن هنا تبدأ المشكلة ....

انا لا اعارض تعدد الزوجات اطلاقا بل بالعكس هى نعمة انعم الله علينا بها .. ولكن لها شروط كى تصبح ناجحه ..

اهم حاجة ان الزواج التانى (او التالت او الرابع) لا يكون هروب من مشاكل فى الزواج الاول .. وهو الخطأ الذى يقع فيه معظم ان لم يكن كل القادمين على التعدد ...

من الاخر وباختصار ...

يا من ترغب فى التعدد ...

اخلص اولا فى واجباتك ومسؤولياتك تجاه بيتك وزوجتك واولادك ..

اذا وجدت مكان فى قلبك وفى وقتك يتسع لزوجة اخرى وبيتا اخر واولادا اخرين .. على ان تعدل بينهم تماما ولا تفرق بين اولى او تانية (او ثالثة او رابعة) ماديا ومعنويا .. وزوجتك مقتنعة بذلك الزواج .. وواثق تمام الثقة انك تستطيع ... اقدم فورا على الزواج الاخر ..

اما لو اختل شرط واحد من تلك الشروط التى ذكرتها فلا انصحك بالتعدد حتى لا تسبب مشاكل لك ولاسرتك انت فى غنى عنها ...