المشاركة الأصلية كتبت بواسطة شريف فارس
ربنا يخليك يا استاذ باسم انا متشكر علي اهتمامك اوي وكل سنة وانتا طيب وبصحة وسلامة
انا هشيل كبل البطارية وهشوف اية الكلام وان شاء الله يتظبط
وانا كدة كدة هغير الكلاكس دة علي صوتة واطي وفردة واحدة ولا انتا اية رأيك
ومعلش لو تعرف تسألي خالك عن سعر الكلاس وشكرا
|
وحضرتك والأسرة الكريمة طيبين وبخير يااستاذ شريف ووالله انا عايز اساعدك عشان شكلك راجل محترم جدا جدا وعشان انا لقيت اللى اتعاون معايا وساعدنى فى عربيتى ال516 لما ظهرت عندى مشاكل وكمان لأنى من عشاق السيراتو و راكبها اكتر من عربيتى وانشاء الله اسألك خالى عن السعر والمكان اللى جابة منة بس معلش ياريت بعد العيد عشان والله هو فى السعودية فى الحج ربنا يوعدك ويوعدنا يارب فصعب اسألة دلوقتى لكن انا عن نفسى اشتريت قبل كدة من التوفيقية كلاكس بس لعربيتى القديمة ال132 وكان كلاكس ريجاتا وشغال لحد دلوقتى والعربية مع اخويا وحضرتك لو مستعجل وعايز تجيبة بسرعة انزل التوفيقية بس نصيحة من اخ اشترى من محل متخصص فى اوبل مش من اللى قاعدين على الشارع حذارى منهم نصابين جدا جدا لا اتعب شوية ولف على رجلك على محلات قطع غيار اوبل المانى وهتلاقية انشاء الله وانا متأكد بس الأول شوف بعد ماترجع كابل البطارية وربنا يسهل وانا متابع حضرتك بأستمرار وتحت امر حضرتك فى اى وقت وكل سنة وحضرتك طيب .