[خالدخليفة]

للاسف لان معظمنا لايسافر على الطرق السريعة
ولان الغلطة فى المدن بتيجى فى الصاج
لكن الغلطة على الطريق السريع بجون وملهاش حل
فتجد معظم قائدى السيارات فى المدن حين يخرجون على الطريق السريع يعتبر كل من حوله مجانين ويأتى بحركات اقل مايقال عنها انها عبيطة
فأما يمش على الشمال تماما مع سرعة بطيئة لاتزيدفى احسن الاحوال عن 70
او فى المنتصف مع نفس السرعة البطيئة
او يعمل اعبط حركة فى العالم وهى جعل الخط الفاصل بين الحارات فى منتصف السيارة
اى يسير فوق الخط
وكأن الخط ده مرسوم من اجل ان يكون فى منتصف السيارة
وطبعا لانه داخليا عارف ان هو بيهبل هنا جوه المدينة فبيبقى حريص جدا على السريع
وبصراحة
السواقة على الطرق السريعة غصب عنك تعلمك الألتزام
وانا شخصيا
لو رجلى راحت على الفرملة اوتوماتيك تلاقى ايدى راحت على اشارة الانتظار
واذا دماغى فكرت فى انى احود يمين او شمال اوتوماتيك الاقى ايدى اتحركت علشان تدى اشارة يمين او شمال
حتى ولو ماشى لوحدى فى الشارع
لانه تعود
واذكر ان احد اصدقائى زهق من صوت التكتكة بتاعة الاشارة وهو راكب جنبى
وقال بعصبية / ده اسراف فى استعمال الأشارات
واذكر انى مشيت فى شارع طوله حوالى 2 كيلو وكان فيه مطب كل 200 متر تقريبا وكان شارع ضيق وشبه مظلم
تصورو انى كل مطب كنت بدى اشارة انتظار
ولمن لايعرفون اشارات الانتظار معناها انك هتهدى سرعة العربية او هتقف فاذا كان من يعطيك الاشارة مستمر فى المسير يبقى معناها انه هيقلل سرعته
ووجدت واحد فات منى فى مكان ضيق وكاد ان يخبطنى ونط ادامى ووقف عربيتى وقال بعصبية
انت كل شوية تدى انتظار ليه
فقلت علشان انبهك انى ههدى السرعة انا غلطان ؟؟؟
فشتمنى ومشى
للاسف القيادة فى مصر لاتعتمد الا على البنزين والفرامل وشكرا
ولذلك حوادثنا كتيرة