المشاركة الأصلية كتبت بواسطة samirayad
على فكره
لو صانع أى فتيس أوتو كتب الكلام ده
لا أعطى توصياته أى أعتبار
ولازم أغير الزيت والفلتر كل فترة أستهلاك معينه
نقول كل 60 ألف كم ( مثلا )
____________________
طيب ليه أنا بقول كده
سائل النقل الهيدروليكى automatic transmision fluid
بنعتمد عليه فى تعشيق كلاتشات مراحل التعشيق المختلفه بالفتيس
دا غير أستخدانه كوسيلة تزييت
ومع عمل الكلاتشات بيحدث تلف وبرى خفيف لتيل الكلاتشات
وبودرة التيل دى بتختلط بالزيت وتلوثه ( دون أن تراه )
وفى نفس الوقت بتعمل أنسداد جزئى لنسيج الفلتر
بالأضافه إلى أحتمالية تعرض المائع الهيدروليك بالفتيس لعمليات تكسير حرارى
وبالتالى أختلال جزيئات وبناء السائل
يبقى مش منطقى أبدأ
أخلى الزيت إلى ماشاء الله بالفتيس
أذا
لايعتد بتوصيات صانع الفتيس
لو كان قال الكلام ده
|
السلام عليكم اخي الكريم كلامك صح وانا بحب اضيف حاجه صغيره بالنسبه للحراره
زيت نقل الحركه او transmition oil بيتحمل حراره حتي 120 درجه مؤويه وبعد كده بحصل فوران وده الي بيغير خواص الزيت ويتغير لونه من الاحمر الي الحمر الغامق وفي بعض الاحيان بيسود لونه وده معناه ان طبقه الاسبستوس التى توجد علي سطح الكلاتشات اتحرقت بس الحراره بتعلي في الفتيس الاتوماتيك في حالة نقص الزيت او وجد عطل في دائرة loke up ودي فكرة عملها بتعمل علي التصاق الكلاتشات ببعض مما يعطي قوه اكبر وعدم حدوث احتكاك لان الاحتكاك بيسبب الحراره و تاكل سطح الكلاتش وكمان بتعمل علي تغيير النقله من اول الي ثاني ومن ثاني الي ثالث ومن ثالث الي رابع وبتعتمد علي سرعة دوران المحرك يعني عند 3000دوره في الدقيقه يتم تغير النقله مباشرة واعتقد ان احسن نوع زيت هو توتال لانه درجه لزوجته اعلي شويه من موبيل وكمان مخصص للبلاد الحاره