انا بصراحه يا شباب من فتره وانا بتابع مواضعكم لدرجه انى حفظت العربيه من الموضيع القيمه بتاعتكم .
وكنت استقريت على اللوجن سيدان بس بصراحه لما نزلت النهارده وشفت الهاتش باك فى توكيل رينوا الى فى كارفورفى اسكندريه عجبتنى جداااااا وخصوصا انى كنت ماجل قرار شراء السيدان لحد مشوف شنطه الهاتش باك لقيتها بس الله ما شاء الله واسعه جداااااااااا تقريبا قد شنطه الماتركس ( اللوجان 320 لتر والماتركس352 لتر ) يعنى فرق 30 لتر لصالح الماتركس بس فعلا الفرق متحسهوش .
العربيه تصميمها الخارجى مختلف تماما عن السيدان يعنى تقريبا كل قطع الغيار الخارجيه من فوانيس اماميه و خلفيه وصاج ورفارف وكبوت وزجاج خلفى وحتى الشبكه الاماميه حيكونوا متغيربن عن قطع غيار السيدان ( ده كلام مندوب المبيعات / السيد محمد محمود )
الى انا طالبه منكم اننا نعرف اسعار قطع الغيار دى ومقارنتها بقطع غيار اللوجن سيدان لان هوا ده الى حيفصل باذن الله فى القرار النهائى وان شاء الله انا حجز فى خلال اسبوع بعد العيد ( كل سنه وانتم طيبين)
اخر حاجه بقا ان شاء الله انا لما قعد فى العربيه وجربت الغيارات كان صوت التروس واضح جدا مع انى جربت غيارات السيدان فى المعرض اكتر من مره وكان صوتها عادى فهل ده عيب فى عزل الصوت ولا عيب فى الجير نفسه ؟؟؟؟
اسف انى طولت عليكم
اخوكم / احمد ابو طالب