الموضوع ده يتكرر فى عدة اماكن مثل دودة الكمبيوتر,
و للأسف فيه الكثير من المغالطات و المبالغات و هو غير صحيح تماما,
كما أن كاتبه من الواضح أنه يفتقد للمصداقية و الحس الوطنى
(موضوع الحس الوطنى عشان عربية زى الشاهين كبيرة شويتين على عربية لان مش حنربط اسم مصر بعربية زى الشاهين ولاغيرها طبعا الحس الوطنى اكبر من عربية ).
معظم الكلام غير صحيح على الاطلاق.
ودى وجهة نظر تتقبلها او ترفضها ده رايك الموضوع مطروح للنقاش
انا مش بتكلم من فراغ, لكن الشاهين معايا من 2006 لحد النهاردة و عملت بيها 90 الف كيلومتر لحد دلوقتى.
و هرد نقطة نقطة عشان نقفل ×××× ده خالص
.(برجاء احترام اراء الاخرين حتى ولم تتفق مع ارائنا وعدم نعتها بالهبل لانه عيب ومش حاجة متحضرة كل واحد حر فى رايه طالما لم يتطاول على شخص بعينه والموضوع بيتناول عربية من حديد مش انسان)
1- انا بطبيعتى ضخم حيث يبلغ وزنى 95 كغ, و رغم ذلك ادخل و اخرج من السيارة بسهولة, و اجلس بداخلها بكل راحة, هى ليست واسعة بالنسبة لفئتها ده صحيح و مفهوم عشان الدفع الخلفى, لكنها ايضا ليست ضيقة.
استاذى الفاضل انا قبل عربيتى الحالية كنت بملك سوزوكى التو 2006 وكان احد اصدقائى معاه شاهين ال1400 سى سى وبكل اسف هى اصغر واضيق من الالتو فالشاهين فعلا ضيقة مش واسعة وقاعدتها غير مريحة
و لم "أحتك" و لم يحتك احد من الركاب يوما بجنبات السيارة, لكن يبدو ان كاتب الموضوع من النوع الذى يحب "الاحتكاكات", يبقى العيب مش فى السيارة
!(الجزء ده مالوش داعى لانه مش لطيف)
2- الكراسى الامامية جيدة و من السهل تعديل وضعيتها
.
(اسمحلى كرسى الشاهين جيد على اساس ايه بالظبط لا طبعا كرسى ردئ وغير مريح تماما ومش انسيابى للظهر )
,4 3- انا من النوع الذى اهوى مراقبة لوحة القيادة ليلا و نهارا, بمعدل مرة كل دقيقتين, و رغم ذلك فان رقبتى لسه متلوحتش, و لا اضع نظارة طبية, مما يبطل النقطتين 3 و 4.
التابلو عداداته صغيرة واضائته خافته بلاادنى شك مش عارف الموضوع ده ملحوظ جدا مع احترامى لرايك وقاعدتها اثناء السواقة مش مريحة بالفعل العربية محتاجة اعادة تنسيق من الداخل
5- النقطة دى تبين انو الكاتب لم يركب الشاهين اساسا!! فى الشاهين القديمة و لحد 2003 كانت الازرار الكهربائية موضوعة فى الناحية الشمال ده صحيح لكن الوصول اليها كان سهلا للغاية, و من بعد 2003 اصبحت موضوعة كلها فى منتصف التابلوه و زر الانتظار اصبح كبيرا و ظاهرا.
وانا معاك فعلا لانه مافيش مشكلة فى النقطة دى فعلا
6- متفق معاك لو هنقارنها بسيارة سعرها 200 الف, لكن بالنسبة لسعرها المواد فخمة جدا, قارن مع الفيرنا و اللانوس.
خامات الشاهين افضل من الفيرنا والانوس على انى اساس الجودة اللى بنتكلم عليها الكلام ده غير واقعى تماما وزى مابتقول كانت فى وقت شراها اغلى من الانوس بخامة تابلوه اسوء بمراحل من الفيرنا والانوس
7- الكاسيت جيد جدا من الهيئة العربية للتصنيع, و صوته أكثر من رائع, عيبه فقط انه كاسيت لا يحتوى على سى دى.
استاذ فادى الكلام مش راكب كاسيت ايه بتاع الهيئة اللى صوته رائع مش عارف مش متخيل الروعة ماكاسيت من الهيئة نازل فى شاهين
8- احاول الالتزام بقوانين المرور, لكننى لم اصاب بعد بانحناء الظهر.
وفى عربيات حزامها للخلف قليلا بس انا مش بحس انه عيب وعربيات فوق ال150 الف وانا مختلف مع صاحب الموضوع
9- غلط تماما.
راجع الموضوع ده :
http://www.masrmotors.com/vb/showthread.php?t=3807
وانا مش مؤمن بموضوع سمك الصاج كعنصر امان خالص
10- انا وصلت ل180 و خدت طريق دهب-القاهرة على 140-160.
الكلام بتاع صاحب الموضوع مش منطقى فى النقطة دى واختلف معاه تماما
11- بعد 90 الف كم مسمعتش اى اصوات.
النقطة دى بتتوقف على حسب طبيعة الاستخدام والاهتمام بالصيانة فبتختلف من شخص الى اخر
12- عند اغلاق الزجاج و تشغيل مكيف الهواء, لا اسمع سوى صوت المحرك المتجاوب و الممتع, و الحرارة تكون جيدة و المكيف يعمل بكفاءة.
التكييف فى الشاهيين بيركب بلدى اى محلى فاكيد دائرته مش محكمة الغلق ولاتوزيعه مثالى وده وضع اى تركيب تكييف بلدى
13- كل ده بمجرد فتح الزجاج؟ زوابع و عواصف! ممكن.
صاحب الموضوع بيبلغ فى النقطة دى
14- خلال 90 الف جنيه ظبطت الزوايا مرتين فقط, و ربطت العفشة مرة واحدة, و مضبطش المحرك و لا مرة, و الاداء لم يختلف ابدا.
النقطة دى بتختلف بطبيعة استخدام شخص لاخروالاماكن اللى السيارة بتستخدم فيها كمان
15- دورة التبريد تعمل بكفاءة, و المروحة لا تعمل الا فى حالات الزحام و ده طبيعى فى اى سيارة, كل المشاكل التى حدثت عندى هو تسريب بسيط فى احدى الخراطيم لم ينتج عنه اى سخونة, و تسريب بمعدل بسيط فى الرادياتير و تم اصلاحهم.
المشكلة دى فعلا حسيت انها منشرة بين الناس الذين يمتلكون الشاهين
16- مغيرتش المساعدين لحد الان.
معرفش موضوع المساعدين ده نسبى فيه بعض الناس فعلا اشتكت منه والبعش الاخر لا وانا برجح طبيعة القيادة ومكانها
17- الابواب كلها تستجيب بشكل جيد, فيما عدا الباب اليمين لأنه واخد خبطة.
الابواب غير مظبوطة ولاسلسة فى الغلق تماما وخاماتها غير جيدة
18- حدثنى عن التكنولوجيا المتقدمة فى الفيرنا و اللانوس, واضح ان الكاتب لا يعرف ان الفيرنا هى محرك اللانسر القديم, و اللانوس هى محرك اوبل قديم, و أن محرك التمبرا الموضوع بالشاهين أكثر كفاءة و حداثة من غيرها, فهو يتنمى الى الجيل السابق من المحركات لدى فيات.
السيارة بمحرك 1400 سى سى يولد 78 سى سى و1600 سى سى يولد 96 سى سى ويعمل single point fuel injection والارقام دى من ويكيبديا بمنتهى الصارحة واحسن من الفيرنا فى ايه اللى موتورها 1600 قوه المحرك ( حصان ) : 106 العزم ( نيوتن / متر ) : 143 والاكسيريلاشين بتاعها اعلى وفى المجمل عربية مريحة وسهلة القيادة فياريت مانبالغش الشاهين شبه الادا اللى هى عربية بتاعة بهدلة وقطع غيار رخيصة وعربية غير معقدة تماما بس لا يوجد وجه مقارنة بينها وبين الانوس ولا الفيرنا تماما
بالنسبة لموضوع ادارة السيارة فأنا امتلكها منذ 2006, و بقالها اربع سنين الا كام يوم,
4*365= 1460 يوم,
اديرها فى اليوم بمعدل من 3-4 مرات, و مرتين فى ايام الاجازات.
هنقول بمتوسط 3 مرات ادارة فى اليوم,
يبقى 1460*3=4380 مرة.
4380 محاولة ادارة, نسبة الفشل 0%.
لم يحدث و لا مرة و فشلت فى ادارة السيارة.
و بذلك اصبحت ثقتى فيها لا حدود, مادام قد وضعت المفتاح و ادرت المحرك, فانه سيدور حتما.
يا ريت حد يقول حاجة عن اعتمادية الفيرنا و اللانوس و الاسبيرانزا اللى بيجيبوا اسطوانة عند 20 الف و ووش سلندر عند 60 الف و عمرة بعد 100 الف!
فين الكلام ده ياريت نتكلم كلام واقعى الشاهين عيوبها كتير وده امر طبيعى لكن الانوس والفيرنا بيجيبو اسطوانة ووش سليندر
(مش عشان ادافع عن عربية انا بملكها اشوه صورة عربيات الانجح مش الشاهين لان مش صح ولان 60% من المنتدى يامن ملاك الفيرنا او الانوس فماينفعش الكلام ده وليه بناخد الموضوع بمحمل شخصى الشاهين عربية زى اى عربية ليها مميزات وليها عيوب
19- الشاهين أفضل سيارة فى فئتها لناحية الاعتمادية و القوة
(ايه؟) و متعة القيادة
(اللى هلى ايه ؟)و العمر الافتراضى, الأخريات يتفوقن فى الراحة و الهدوء فقط و الشكل المعاصر, و لو اننى احب شكل الشاهين أكثر
.(هى اذواق طبعا)
استاذ فادى شكل الشاهين
فى النهاية تحية للشاهين فخر الصناعة المصرية.
انها حقا سيارة الرجال.