المشاركة الأصلية كتبت بواسطة elensaan
علي فكرة انا بمسك الدركسيون بكلتا يديا بس اصدقائي بيتريقو عليا ويقولولي انت خايف حد ياخدها منك؟
بس انا فعلا مبحسش بالامان الا كدة
موضوع مفيد وربنا يسلمنا جميعا
ولك كل الشكر اخي الحبيب
|
خلى اللى يتريق يتريق المهم انك بتعمل الصح
المشاركة الأصلية كتبت بواسطة gahloos
شكرا على هذه المعلومات القيمة , وأنا والحمد لله بسوق كما ذكرت
|
الحمد لله وياريت كلنا نسوق كده
المشاركة الأصلية كتبت بواسطة sam ram
اريح وضع واكتر وضع بركز فيه 2 - 10 .. وكتير بستخدمه خصوصا في السفر
لكن غالبا لو الطريق فاضي او الوضع يسمح ... بتبقى الشمال على الساعه 11 و اليمين على عصايه الفتيس
اتعودت على الوضع ده من سنين حتى بعد سواقه الاوتوماتيك لمده 3 سنين .. برضو ايدي اليمين بسندها كتير اوي على الفتيس
ولأن مشاويري كتيره وبزهق بسرعه ففي مسكات كتيره عجيبه بس مبطولش عليها
الساعه 7 بايدي الشمال واليمين على الفتيس لما ازهق من الساعه 11... أو اليمين 5 والشمال على الشباك ده لو انا لوحدي في شارع طويل مستقيم
الايدين الاتنين جوه الطاره بالعرض والابهام على الكلاكس خصوصا لو الطريق فيه منحنيات بسيطه
الساعه 12 - 3 لو طريق مدغدغ و مليان نقر و مطبات
وساعات بنسى الساعه كام و امسك الطاره مسكه ديجيتال .. واسقف
|
حلوة اوى الديجيتال ويالانسقف مع بعض
المشاركة الأصلية كتبت بواسطة حسام البورسعيدى
انا عن نفسى بسوق بايدى الشمال بس وصعب اوى عليا اسوق باليمين (سبحان الله مع انى مش اشول يعنى)
بس ساعات لما اخد غزر او وانا بجرى جامد بحط ايديا التنين جوا الدركسيون علشان التحكم وعلشان الكلاكس اكتر ..
ايدى اليمين ببدل بيها ساعات لو ايدى التانية تعبت او لما بركن فى حتة ضيقة علشان الف بسرعة ..
ياحسام بااشا جرب والموضوع تعود مع الوقت حتيجى معاك
موضوع مفيد يا باشا تسلم ...
|
شكرا ليك
المشاركة الأصلية كتبت بواسطة sherif_84
شكرا على المعلومة ياباشا هو عموما دى مسألة تعود بس يفضل طبعا وانت على سرعة عالية تمسك الطارة بإيدك الاتنين كويس قوى عشان تبقى ثابتة انما السرعات البطيئة زى وانت ماشى فى اشارة مثلا ممكن بإيد واحدة لو هاتقدر تتحكم فى العربية كويس .
|
الله ينور عليك ياباشا