المقالة (6 )
غريـب فى بـيـتـى
كنت على موعد أمس عند كوبرى الجامعة وحين وصلت لم أجد الشخص الذى واعدنى فى انتظارى
واتصلت به تليفونيا
انت فين ياعم الحاج
انا واقف مستنيك اهو
انا عند كوبرى الجامعة
طب اتمشى شوية بالعربية هتلاقى الفور سيزون
وبعدين
بعد منه اشارة تدخل يمين من عندها هتلاقى كوبرى م تطلعوش وادخل من جنبه فى جامع هناك ....اركن قصاده .... هنصلى فيه الضهر
وفعلا نفذت كل ما قاله بالحرف .....ماعدا موضوع الصلاة
اشمعنى الصلاة ؟؟؟؟؟؟
يعنى انت ياعم خالد جاى فى اهم حاجة ومتعملهاش ؟؟؟؟
نقول السبب
انا يادوب ركنت قصاد الجامع ووجدت اكتر من 3 افراد لابسين ملكى ومعاهم اجهزة لاسلكى وجايين جرى
خير؟؟؟سيادتك واقف ليه؟؟؟؟
وتعجبت
مهو فى ناس كتير واقفة
بطاقتك
رخصك
ووجدت اخر يسجل ارقام العربية فى دفتر
أيه يااخواننا ........فى ايه ؟؟؟؟
معلش ياباشا ....احتياطات أمن
على خيبة ايه بقى ؟؟؟؟؟
اصل انت هنا راكن قصاد العمارة اللى فيها السفارة
سفارة ايه ؟؟؟؟؟
اسرائيل
ياصلاة النبى.... طب ده انا بينى وبينها الكوبرى
معلش يابيه دى اجرائات امن وكل الناس هنا عارفين كده
ايه ده؟؟؟؟ وانتم عاملين دفترضخم كمان بتقيدو فيها ارقام السيارات وقصص حياة أصحابها؟؟؟؟؟؟؟؟
ياباشا ده روتين
حسبى الله ونعم الوكيل
معلش ياباشا ....هات الرخص بقى
لا ياعم انا ماشى
برضه لازم ناخد بيانات الرخص انا خلاص سجلت رقم العربية وبستأذنك فى الرخص
بغيظ وزهق / حااااااااضر .... اتفضل
ومشيت وانا فى قمة الغيظ ثم وجدت اقرب مسجد للمكان ده فى التحرير
ايه الكارثة دى ؟؟؟؟؟؟؟
هو سفير اسرائيل احسن منى
ده سفير مصر فى اسرائيل م بيعملوش علشان خاطره اى حاجة من الكلام ده
ولما هما عارفين انهم مكروهين عندنا كده بيعاملونا ليه ؟؟؟؟
واللا ا حنا بنتعامل معاهم ليه ؟؟؟
فينك ياسيدنا عمر بن الخطاب
لما قلت للنبى (عليه الصلاة والسلام )/ ألسنا على الحق
وقال النبى / نعم
و....هم على الباطل
نعم
اذن لماذا نرضى الدنية فى ديننا
وطبعا النبى كان له غرض سياسى وقتها ليس هذا مجاله
لكن احنا بناخد من اسرائيل ايه غير الذل والمهانة مقابل ايه ؟؟؟؟
الرضا التام ؟؟؟؟
ياله من مقابل
لقد جعلنا هؤلاء الخونة غرباء فى بيتنا (مصر)
ان كنت تحمل الجنسية التايوانية او البدنجانية او الامريكاوية (على رأى أبوموسى) فأنت لك مطلق الحرية ان تفعل اى شىء وكل شىء فى مصر
وان كنت مصريا والنيل رواك والخير جواك
استحمل بقى ياحلو
وحسبنا الله ونعم الوكيل