المشاركة الأصلية كتبت بواسطة Eng . Mano
استاذ باسم و استاذ علاء لاشكر على واجب . و اجبنا هنا انا و انت و كل ملاك اسبرانزا اننا نجاوب على الاسئلة دى علشان نوضح معلومات و حاجات عن العربية غايبة عن ناس كتيييييييير جدا من اللى بيهاجموا العربية بدون اى دليل او حتى انهم يركبوها . يعنى انا لما حجزت العربية و قولت لقرايبى و معارفى هاجمونى جامد و قالولى انت بترمى فلوسك فى الارض ، فسألتهم هو حد فيكوا ركب العربية ؟؟ قالولى لأ بس بنسمع عنها كده !!!! طيب خلاص طالما انت بتسمع و ماشفتش حاجة بعنيك يبقى ماتهاجمش عربية ناجحة بالفعل و جميلة جدا ، بس للاسف التوكيل هو اللى مبوظ سمعتها و مش بيهتموا بموضوع الصيانات .
فعلشان كده لازم فعلا نقول رأينا عن العربية كمجربين لها ، لتوضيح صورتها . لان طبعا كلامنا ده ممكن يكون سبب ان واحد يكون عايز يجيب العربية بس متردد ، فلو قرأ الكلام ده من اصحابها نفسهم مش من ناس سامعة ممكن يجيبها . و ياريت ده يبقى الهدف فى كل اقسام المنتدى مش هنا فى قسم الاسبرانزا فقط ، علشان توصيل المعلومة من المجرب اخير طبعا من توصيلها عن طريق الشائعات و السمع .. و مرة تانية مشكور استاذ باسم على المواضيع الجميلة دى ؛
|
والله يابشمهندس انا اللى عايز اشكرك جدا جدا على مشاركاتك ومواضيعك الفعالة اللى بجد ودون اى مبالغة تعتبر احيانا اكثر اهمية من الموضوع نفسة فتقبل منى خالص تحياتى واشكرك جداجدا وكل سنة وحضرتك طيب