[Injection]

ياه, أخيرا هعلق فى الموضوع, وحشتونى والله ياجدعان.

أنا كنت بتابع من بعييييد, وكنت بقرأ حكايات الدكتور (دكتور محمد aka miam), وأستفدت منها كتير قوى, وخاصة فى معرفة العذاب بتاع الاطباء , شكرا يا دكتور على الحكايات الجميلة والمشاركة, ومستنى باقى مغامرات حضرتك.

وخالد باشا, حكايات أستاذ جمال وأبو موسى مالهاش حل, واللامبالاة بتاعة أستاذ جمال, هههههههههه, ياريتنى كنت زيه, حد يهزر مع الصعايدة برضه.

وقريت المقالات بتاعة حضرتك ياخالد باشا, مفكرتش تفتح مدونة, حضرتك عندك موهبة مميزة فى الكتابة وأكيد هيكون ليك قراء كتير, بس خلى جنبك هارد أحتياطى.

وأبو الكراسير, بقى الجهاز يبوظ وتروح وتعمل وتفرمت, ليه, هو الجهاز كان ماله, هى نسخه ويندوز مضروبة والسلام, أدى أخرة المحاسبين ال IT , وبالمناسبة, كفارة يامعلم.

والدوك حبيبى, فينك ياباشا, وفين حكاياتك وكتاباتك الساخرة, وحشتنا تجاربك ومراجيحك, والعيد داخل أهه ولازم تنزل بالمراجيح.

والموضوع أتنسف بعد ما أستاذ حازم شد حيله ودمج كل حاجة, شوية وهنلاقى الموضوع صفحتين ثلاثة.

وللمرة الخمسين, شكرا لكل من ساهم فى جعل الموضوع على صورته الحالية.

وكل سنة وأنتم طيبين يارجالة - وسيدات - العيد فرحة مااااااااااااء, أنا عايز العيدية بما أنى أصغر واحد فى الموضوع, ولن أتنازل عن العيدية بتاعتى العيد ده.