12-11-2010, 10:27 PM
|
|
|
رد: ايهما افضل ال a516 ولا m11
المشاركة الأصلية كتبت بواسطة amir.mohamed;282011[COLOR=red
]انا انشاء الله ناوى اجيب m11 ولكن فى ناس كتير قالولى ان 516 احسن والكمبيوتر بتاعها احسن وان فيها كمبيوتر رحلات ولكن الام 11 مفيهاش بجد انا محتار
|
[/COLOR]
اولا احب اقول بجد وحشتوني جدا بعد غيابي الطويل لظروف خاصه ولله الحمد عدت
ثانيا بالنسبه لكاتب الموضوع
العربيتين حلوين و جدا بس في فوارق والاتنين فيهم كمبيوتر رحلات بس m11 متطور وادق
العربيتين فيهم اوبشن حلو ويريحك جدا بس مثلا 516 فيها عدسه بالفوانيس وممكن تعدل مدا النور الm11 مفهاش كده بس نورها اكتر وضوحا بالضلمه من 516
شنطه 516 اكبر في فتحتها و عمقها
m11 هي الاعلي عن الارض وعن نفسي مقابلتش خااااااالص ان العربيه حكت في اي مطب حتي بالمعموره و ما ادراك بمطبات المعموره علي عكس 516 قابلتني مرتنين تحك من عند الاقصدام من قدام
وضع فتيس m11 احلي و افضل و عن رائي المتواضع بيفكرني بفتيس البي ام اما 516 اسرع في النقله واسلس وارفع
بالنسبه للرؤيه 516 بشوف الفوانيس مش الكبوت بس فمي الرؤيه افضل بكتير اما m11 يدوب بحاول اشوف الكبوت و اوله بس بس بالتعود مش شايفها مشكله
كتسارع و عزم تقريبا الاتنين متقاربين بس لان ضغط الهوا و توزيعه في m11 افضل فدايما بيدلها الافضليه والتفوق
كوسع من جوا الاتنين حلوين
كتابلوه الاتنين حلوين
كمرايات الm11 افضل و اكبر غير ان مرايه السائق فيها خط عليا لجنب بصراحه كنت مفكره عيب صناعه بس دورت و لقيته اوبشن غريب جدا اولا اريال لموجات الاف ام فيديك وضوع ادق في اي مكان ثانيا فاصل من مرايه عاديه لمقعره
كجهاز انزار m11 افضل غير انه متوصل علي الزماره المزعجه غير انه اما تيجي تقفلها بالريمود طبيعي تزمر بس لو ازاز مفتوح او كبوت او شنطه متظمرش و دي علامه تنبيه مهمه جدا
كفرامل وثبات واستهلاك بنزين m11 افضل
بالنسبه لقطع الغيار
516 متوفره في كل مكان بجد وبقي بيتركبلها قطع غيار حتي من عربيات تانيه فرنساوي و الماني و ايطالي اما m11 التوكيل نفسه معندوش قطع غيار ليها فدي مشكله كبيره بس قريبا هتنحل لان بعد العيد باذن الله البضايع هتنزل السوق لانها بالجمارك دلوقتي لان حصل مشكله عليا لجمارك فاتاخر ميعاد نزولها
ولسه الكتير عن العربيتين بس ده علي حد تذكري دلوقتي
وعلي فكره العربيتين مناسبين جداااااااا لسعرهم
بس انا برجح m11
وليا رجاء محبه من جميع الاعضاء واتمني تخدوه بصدر رحب
كل واحد يجاوب علي قد السؤال مش عاجبك السؤال متردش و اختار بين الاختيار متردش باختيار تالت مختلف تماما يبوظ الموضوع
تقبلو خالص تحياتي
|