حوار مصري اصيل
# يقال إن 87%من الشعب المصري ساخطون على الحكومة المصرية - ما تعليقك؟
- الـ13% الباقيين أكيد معاهم جنسيات أخرى.
# تقرير: 45% من الشعب المصري مصابون بمرض السكر - ما تعليقك؟
- آدي اللي خدناه من "الحلواني" اللي بنى مصر.
# ليه الحزب الوطنى بيعمل إعلانات لنفسه مع إن البلد كلها بتاعته؟
- زى ما شبكة الأوربت بتعمل إعلانات لنفسها على قنوات الأوربت.
# هل لك أقارب استشهدوا في الحرب؟
- لأ.. عندي أقارب استشهدوا في السلام.. "السلام 98" طبعاً.
# ما وجه الشبه بين السد العالي وقانون الطوارئ؟
- الأثنان مصدر "للكهرباء"!!!
# لماذا يطلق المصريون على زوجاتهم لقب "الحكومة"؟
- لصعوبة تغييرها مهما تسببت في كوارث.
# أين يمكنك أن تلاحظ سوء نية المصريين؟
- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".
# ليه أكتر ناس بياخدوا مواقف معارضة جريئة هم الناس بتوع الغزل والنسيج؟
- علشان بيشتغلوا في القطن، و"القطنة ما بتكدبش" زى ما قالت مدام نظيفة.
# إمتى بتحس إن البلد حلوة؟
- ما بأحسش إن بلدنا حلوة غير لما داليدا بتقول: "حلوة يا بلدي".. بغض النظر إنها قالتها وانتحرت!!!
# ما الدليل على أن مصر بلد الأمان؟
- الدليل إن الواحد بيتردد كتير قبل ما يدخل أي قسم شرطة.
# ليه بيقدموا الساعة ساعة عندنا في الصيف؟
- علشان مصر "تتقدم بينا"!!
# تقرير: 60% من الرجال المصريين بـ"يشَخَّروا" وهم نائمون.. ما تعليقك؟
- الـ40% الباقيين بـ"يشخُروا" وهما صاحيين.
# ما أهم مظاهر الفهلوة عند المصريين؟
- إنهم يشكون في الشحات ولا يشكون في النصاب.
# ما الفرق الأهم بين مصر وأمريكا؟
- الفرق الأهم إن عائد السياحة من الهرم المزيف الموجود في لاس فيجاس مئة ضعف عائد السياحة من الهرم الحقيقي في الجيزة.
# ما أهم قاعدة موجودة في مصر؟
- إن مفيش قاعدة لأي حاجة.
# لماذا يقال عن الشعب المصري انه شعب فوضوي؟
- علشان بيكره "النظام".
# إمتى هناكل جوافة من إنتاج مزارع توشكى؟
- لما نلاقى المشمش!!!!!
# بماذا ستجيب كمصري عند سؤالك عن عمرك فيما أفنيته بعد عمر طويل؟
- أفنيته في اشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستني لما رئيس الوزراء يروح بيته.
# من المستفيد من الزحام الذي يسيطر على شوارع القاهرة؟
- شركات المحمول.. كله واقف في الإشارة ماسك الموبايل، بيخلص شغل أو بيعتذر عن التأخير أو بيسلى نفسه على الأقل، وبالتالي تعتبر الإدارة العامة للمرور هي المستفيد الثانى "طبعاً من مخالفات استخدام المحمول أثناء القيادة".
المستفيد الثالث هي الشركة الشرقية للدخان حيث يتزايد معدل الحرق على سبيل "التنفيث".
المستفيد الرابع هو الهيئة العامة للبترول حيث يتزايد حرق البنزين على الفاضي إثناء الوقوف وهو الأمر الذي يبرر اختفاء البنزين من المحطات وبالتالي يصبح المستفيد الخامس هم أطباء الأمراض الصدرية.
المستفيد السادس المعلنون على اذاعة نجوم FM وبالتالي يصبح المستفيد السابع الشركة المصنعة للأدوية المهدئة بالتساوي مع صيدليات سيف والعزبي وعلى وعلي.
# ما الفرق بين الزوجة المصرية والزوجة اللبنانية؟
- 40 كيلو جرام على الأقل.
# إيه الكلمة اللي ما بتحبش تسمعها وأنت في أوضة العمليات؟
- يا خسارة.
# بعد اضطهاد النادي الأهلي الواضح لنادى الزمالك والمتمثل في التنكيل به ذهابا وإياباً.. ماذا تتوقع لجماهير الأخير؟
- أتوقع أن نقرأ قريبا أخباراً عن زملكاوية المهجر.
# ما العلاقة بين عصام الحضري وسمن روابي؟
- الطعم فلاحي.. وتحدي.
# ما تعليقك على أن المصريين لا يتحدون إلا لما يكون المنتخب بيلعب؟
- الإستاد هو الحل!
# إيه اكتر حاجة بتجمعنا كمصريين؟
- حبنا للكابتن أبو تريكة.
- حبنا لأبو تريكة بيخلينا ندعى له من قلوبنا.. يا رب يخف.. يا رب يلحق ماتش المنتخب.. يارب أبو تريكة ينزل دلوقتى؛ ما أظنش إن فيه حد فينا دعا لمصر بأي حاجة من زمان.
- حبنا لأبو تريكة خلانا نصفق له ونقف وراه لما رفع فانلة عليها "تعاطفا مع غزة"، لكن لما الغزاوية دخلوا عندنا شوف بأه.
- حبنا لأبو تريكة خلى معظمنا يمشى في الشارع لابس تي شيرتات عليها رقم 22، حد فيكم فكر يعلق علم مصر في البلكونة عنده؟
الموضوع منقول
__________________
محمد مجد
التعديل الأخير تم بواسطة احمد بدر1978 ; 12-11-2010 الساعة 09:12 AM
|