رد: مشكلة كبيرة فى الجير الاتوماتيك
المشكلة عندى ان العربية مش بتنقل غير لما اشغل النور الصغير
معنى كدة فى حاجة فى الكهربا ،، كهربائى لعب فى الضفيرة اللى رايحة للكمبيوتر وبتدى اشارات النقل لانى سبق ورميت ضفيرة الجير بوكس برة التوكيل (كنت مشكلتى ان العربية الصبح مش بتنقل وبالليل بتنقل زى الفل ونقلات كلها ناعمة ومريحة ) ،، عندى شورت فى الكهربا ،، وانا لسة مصلحتش العيب بس على الاقل لقيت علاجة لحين الكشف على الضفيرة
مع العلم ان العيب الواحد ممكن يفرق من عربية لاخرى انا مشكلتى عربيتى مش بتجيب الغيار الثانى غير لما تعلى rpm ل 5 وبتنقل بهدة ودة بالنهار زى ما وضحت قبل كدة
حسام بية البورسعيدى كنت هبعت لك رسالة على الخاص اوضح لك المشكلة بالتفصيل بس قولت على العام افضل للتوضيح للكل وحضرتك بعد ما تقرا المشاركة هتلاقى فعلا ان العيب عندى غريب وعلاجة اغرب ، لان بالليل بكون طبعا مولع النور وبتنقل وبالنهار وانا طفى النور مش بتنقل لان النور مطفىء ،، طبعا عيب غريب جدا وحلة بالنهار اولع النور الصغير تجيب الغيار التانى بعد كدة اطفية
اخى mozella مشكلتك غير مشكلتى بس اقدر اقولك ان البلف كنترول عندك مش كويس واحسن لك اخى لا تروح عند حد برة لانك هتصرف دمك قلبك ومش هتلاقى نتيجة ،، افضلك روح لاقرب فرع للتوكيل واكشف بالكمبيوتر على كمبيوتر العربية والحساسات هتدفع 65 ج وتقولهم شكوتك وهم يدور على العيب ويصلحوة على الاقل هتلاقى فى التوكيل شوية التزام وكلام صريح من الاخر من غير لف ودوران مش زى الصناعية اللى برة ،، لان بجد العربية دى شغلها كلة كهربا ودة اللى مخلى صيانتها صعبة ،، واكشف على الحساسات وكهربة العربية هتلاقلا العيب منها لانك عملت زى وعملت عمرة للفتيس على الفاضى ،، والعيب اخى مش من العربية بس عربيتى العيب فيها راجع لسوء الاستخدام وعموما هى عربيات محترمة لانها لو مش عربية محترمة انا كنت قلبتها وبالتوفيق ولو محتاج مساعدة قولى وانا معاك
|