المشاركة الأصلية كتبت بواسطة Zikoman
؟؟؟؟؟
فيه واحد عملى بيجيب عربية عملية مهما كان شكلها
وواحد يهمه المظهر فيجيب عربية شيك حتى لو مش عملية
يبقى إزاى الشخصية ملهاش علاقة بالاختيار؟
الشخصية ليها علاقة باختيار أى شئ!!!
|
حضرتك قلت في بداية الموضوع ان المبلغ موحد
يعني مثلا أنا معايا 35 ألف ممكن أجيب شاهين أو لانوس مثلا
القرار مش حيعتمد على الشخصية قد ما هيعتمد على قدرتي على الصرف على العربية
يعني أكيد أي حد هيشتري الشاهين هيبقى نفسه يركب لانوس
لكن مايقدرش يصرف عليها سواء قطع الغيار أو البنزين 90
وكذلك اللي بيشتري فرنا وما بيرضاش يجيب الاسبرانزا
مع انه حيموت عليها علشان الأوبشنز اللي فيها لكن خايف على فلوسه من قطع الغيار وانخفاض سعر اعادة بيع العربية
من الآخر الموضوع كله مرتبط بالفلوس و برأي الناس اللي حواليك اللي هو بيحركك ويجرأك انك تاخد قرار معين