المشاركة الأصلية كتبت بواسطة أحمد فاروق سيد
على فكرة أنا بتناقش بصفة عامة
مش قصدى ماركة بعينها
واللى حضرتك ذكرته
معيار آخر من معايير الشراء
- توافر قطع الغيار خارج التوكيل -
طيب سؤال
هو ليه الهيونداى والكيا الخليجى نجحوا جداً فى مصر ؟ |
بص ياباشا احنا هنا فى مصر لو حبينا ندرس الوضع التجارى وخاصة فى مجال السيارات حانلاقى فجوه وخلل رهيب . من النواحى الإقتصاديه وسعر البيع والشراء والعرض والطلب . بمعنى انك لو اتكلمت مع اى انسان حاتلاقيه بيشتكى مر الشكوى من الماليات والنواحى الإقتصاديه . وتعلى نفصصه بأه شويه نلاقيه شايل موبايل بألفات . وراكب عربيه زيرو تمنها الشيئ الفلانى . ولابس ماركات من أغلى الماركات العالميه .. ويعينى عليه مش عارف يعيش ( غلبان ) الله يكون فى عونه .
نرجع تانى لموضوعنا . الماركات اللى حضرتك بتتكلم عليها دى ماركات اصبحت حاليا غاليه . شوف أصلا سعرها بكام هناك . والأهم بعد شحنها جماركها من هنا بكام . يعنى تقف عليك اجماليها كام . وبدون ضمان . ولو قلنا ان شكلها هو هو نفس الشكل ومافيش اختلاف . فانت محتاج لأماكن تثق فيها لصيانة عربيتك اللى مكلفاك تقلها . ولازم فى اغلب الأحيان تكون مجهزه للتعامل مع العربيه وخاصة برمجة الكومبيوتر بتاعها .
العمليه دى معقده وطويله ولازم تكون قادر ماليا عليها . واحنا يا عمنا غلابه . بنشترى الصينى وبنمد رجلينا على قد لحافنا . مش ناقصه نزيف مالى ,