المشاركة الأصلية كتبت بواسطة samirayad
طالما المكنه مسخنتش منك
يبقى جوان وش السلندر فى مأمن تام
والرباط الصح
حيجيب نتيجه تمام
بس غريبه الصراحه
مكنه زيرو ...........وتعمل كده ..........!!!!!!!!!!!!!
|
ازى حضرتك يا باشمهندس
انا امبارح رحت عملت صيانة الالف
قالولى ان دة مش ترشيح زيت و ان ده سليكون ساح بفعل الحرارة( اللى على الموتور و الفتيس و بين الموتور و الفتيس)
وجاب لى عربية تانية بصيت عليها لقيت نفس المنظر اللى عندى فى نفس الاماكن بس اقل شوية
كشفو على القواعد حسب كلامهم قالولى سليمة
بالنسبة للهزة قالولى تعالى جرب عربية زيها و جابولى عربية عاملة الف كم برضه
موديل 2011 كانت و اقفة بالصدفة جنبنا
الغريب انى لاقيت هزة اسوأ من الهزة اللى عندى بس مش منتظمة و خاصة مع التكييف
قولتله عاوز اشوف عربية تالتة
و فعلا جابلى عربية عاملة الف كيلو برضة كان الكبوت مفتوح المرة دى لقيت برضه هزة فى الموتور قول كل 3 او 5 ثوانى تقريبا يعنى مش منتظمة
دخلت قعدت فى العربية لاقيت الهزة دى مش باينة و لكن الرعشة السريعة بتاعة حركة الموتور نفسه باينة جدا لدرجة انى شفت بعنيا vibration فى الدركسيون
و دة كله طبعا مع التكييف و الغيار
قلت للمهندس يعنى ايه دة بقا؟
قالى عادى جدا
العفشة بتاع العربية لسة ناشفة و هى السبب و اطمن خالص و انا معاك لحد 100 الف كم لو حاجة عاوزة تتغير هاغيرهالك
طبعا دماغى اتبرجلت معرفتش اقول ايه
شكرته و مشيت
ايه رأى حضرتك؟