المشاركة الأصلية كتبت بواسطة AboNoRa
غريبة اوى الحكاية ديه بصراحة ياترى هما فى المانيا ملهومش تفسير عن الدوافع النفسية اللى ممكن تخلى حد يعمل كده
|
الحقيقة يا ابو نورا هما بيحولو يعرفو السبب و المعلومات الجديدة المتورفرة ان الشاب كان بيعانى من سخرية من بعض زملائة و توبيخ من بعض اساتذتة و كان بيقضى معظم وقتة فى العاب الكومبيوتر و النت و هناك كلام على انة قال انة حيعمل الجريمة دى على النت قبل ما ينفذها بالفعل لكن مافيش ليسة تاكيد بخصوص موضوع دة .
هى المشكلة الحقيقية ان والدة عضو فى نادى للرماية و عندة مجموعة اسلحة و زخائر و نسى انة يقفل مخزن الاسلحة بتاعة بالقفل فما كان من الشاب الا انة اخد السلاح اللى هو عوزة و عمل عملة السودا .
انا اعتقد ان السبب هو وجود رواسب عدائية مع بعض زملائة فى المدرسة و اراد الانتقام بشكل من الاشكال و اكيد فى تاثير من العاب العنف على الكومبيوتر اللى بيحزر منها خبراء كتير الان , و طبعا واضح ان الشاب عندة مشكلة نفسية ما , و كانت النتجية انة لما وجد الفرصة قام بهذ العمل البشع بدون اى تردد .
لو عاوزين تعرفو مزيد من المعلومات بخصوص الحادث دة , هناك القناة الالمانية على النيل ساتdw tv ببتابع الحدث و هناك مناقشات عديدة باللغة العربية و الانجليزية لمن يهمة الامر يعنى .