[سيف الدين سعيد]

كلام حضرتك مظبوط فى حتة النصب اللى ابو الفتوح شغال فيه . وانا شخصيا عانيت من الموضوع دا ايام ما كانت معايا الإسبيرانزا . والغريب انك بتدفع حوالى 400 جنيه كل 3 شهور ودا طبعا شيئ مش سهل بالنسبه لمالك سياره صينى رخيصه جايبها عشان يمشى بيها حاله .
المهم خلينا فى موضوع سيادتك . روح مركز الخدمه اللى انت عملت عنده الصيانه وسمعهم كلمتين ( بأدب أو من غير مش فارقه ) وخليهم يظبطوا موضوع الزجاج . ودا اعتقد انه حاجه بسيطه ومافيش فيه مشكله . اما موضوع الفتيس فدا اللى انا خايف منه . لأنه فى الغالب حايحاولوا يلبسوهولك على اساس ان دا عيب استخدام . انا كانت عربيتى فيها عضه فى النقلات . واشتكيت منها عدة مرات . وكل مره يقولوا غيروا زيت او ربطوا حاجه او راجعوا على حاجات فيه . وزى ماهو ... لغاية ما فى مره المهندس هناك قاللى ان حايكشفوا عليه ولو طلع فيه حاجه حاتحمل انا تكاليفها بالكامل على انه عيب استخدام . طبعا قاوحت معاه شويه بس فى النهايه قلتله لأ مش عايز منكم حاجه وخليه كده لغاية ما نشوف أخرتها .
حرميه وسرقه عينى عينك . دا غير ان فيهم بهايم ومابيعرفوش حاجه .