السلام عليكم و رحمة الله و بركاته
أزيكوا يا شباب المنتدى الرائع Masrmotors
أحب أولاً أشكركوا و أدعيلكوا أن ربنا يجازيكم كل خير على خدمة الأعضاء الوافية فى أى أستفسار ليهم أو مساعدة فى أتخاذ قرار معين
ندخل بقى على الموضوع بتاعى
نويت بأذن الله أجيب رينو لوجان 2011 F.O بس كان فى كام نقطة محتاج مساعدتكوا معايا فيهم
أيه أفضل وكيل أشتري منه العربية يقدملي أحسن سعر أسرع أستلام و كمان خدمة ما بعد البيع ؟
أيه أفضل مكان أقسط منه العربية ؟
أنا دورت و لقيت أقل فائدة مع بنك ناصر الأجتماعي فائدته 6% ثابته و مدة التمويل ممكن لحد 7 سنين و نص بس فيه شرط رخم لازم يكون فى اتنين موظفين حكومة ضامنين يكون راتبهم معدى القسط ، و المكان التاني هو بنك القاهرة بفائدة 11.8% ثابتة و مدة التمويل لحد 5 سنين و ما فيهوش أى شروط رخمة هو بس البطاقة و أيصال خدمات حديث بس أنتوا طابعاً شايفين الفرق فى الفوائد النص بالنص على طول
هل فى مكان تانى ممكن يقسط العربية زى بنك ناصر كده بفائدة 6% ثابته من غير شرط موظفين الحكومة الضامينين مع العلم أنى هدفع أن شاء الله مقدم 29% (20 ألف) من ثمن العربية اللى هو 68500 يا ريت برضه تأكدولى على السعر ده هل هو صح ولا لأ؟
مرة تانية بشكركوا على مجهودكوا الأكثر من رائع و أتمنى تقبلونى بينكم عضو جديد و أن شاء الله نشيط
