[خالدخليفة]

المشاركة الأصلية كتبت بواسطة jas_x موضوع جميل ومفيد بس عايزين شوية نصايح للتعامل مع النقل الخفيف (الربع نقل) عشان دول اسلوبهم فى القياده سىء جدا خصوصا على الطريق السريع

هما زيهم زى معظم اصحاب العربيات الصغيرة (ده مش تقليل من شأنهم ) لكن انا بتكلم على الفكر الموجود داخل دماغ كل واحد منهم
يعنى معظم ملاك السيارات الصغيرة اللى زى الماروتى وال 127 وماشابه معتقد ان عربيته تعدى فى خرم ابرة ومبسوط بكده فتلاقى كتير منهم او فى ناس منهم ينط فجأة او يدخل فجأة فى اى مكان على اساس انه صغير وفرحان جدا انه داخل فى اماكن مفيش غيره يعرف يدخلها والكلام ده انا لاحظته وشفته بعينى
واللى منكم بيستخدم طريق اسكندرية الزراعى يلاحظ فى المسافة من قها لبنها ان بتوع السوزوكى الربع نقل بيبقو كتير لان دى وسيلة النقل المعتمدة زى التاكسى او الميكروباس فى اى محافظة تانية
وغالبا بتوع الربع نقل دول مش عارفين غير ان عربيتهم خفيفة وتدخل فى خرم ابرة زى الاعتقاد السائدفتلاقيه بيجرى ويتنطط ورغم ان عجلته رفيعة وانظمة التعليق عنده على اد عربيته ومع ذلك هو ولا هو هنا
واسلم شىء للتعامل مع دول انك ان اقتربو منك تبقى ايدك قريبة من الكلاكس ونفسيا مستعد لرد فعل طبيعىانك تديله كلاكس عالى لو حسيت بأى تهبيل منه