الخروف اندبح
كل سنه وانتم طيبين بمناسبه عيد الاضحي . وربنا يكتبهلكم ويكتبهنا يا رب حجه مع انها غاليه اليومين دولي. فين ايام الرخص ايام ما والدي حج 4 مرات دلوقتي الواحد عايزله 50 الف عشان يحج سياحي طيران. المهم بمناسبه عيد اللحمه الدنيا كلها بتعوم في الشربه اليوم ده ده غير بقي الكبده والدنيا اللي جوه انا عن نفسي بعشق الكلاوي والمخ المتحمر بدقيق. هتسالوا نفسكم عن نبره الحزن اللي عندي ؟ احكيلكم
والدي ربنا يديم عليه الصحه ويشفيه راجل كبير طلع معاش وبقت الاضحيه مسؤليتي انا واخواتي. قووووووووووم ايه دبرت القرشنات من الصيدليه واشتريت الجدي منه لله من يومين راح بلع حبل بلاستك وكان بفرفر فلحقناه بالسكين واصبح من المفروض ازنق نفسي وعزيزه برده اللي هي الصيدليه عشان اجيب اضحيه تاني؟
لي حق بقي ازعل ولا لا ؟؟؟؟
|