رد: ياربى حتى التويوتا .... مصرى !!!!!!!!!!!!
السلام عليكم ورحمة الله
القدوم على الموضوع دة هايتيح فرص عمل لاخويا واخوك وابنى وابنك يا جماعة الموضوع استراتيجى اكتر منة صفقة بين تويوتا واى شركة تانى انظروا الى الامر بنظرة شمولية .... فى جيل طالع للدنيا للاسف ربنا اللى يتولاهم بقى.........من كام يوم مراتى قاعدة تشتكيلى من سعر القوطة بقت بكام وبنتى بتسمع النقاش قالتى بابا اما انا اكبر هاتبقى القوطه بكام .....سرحت شوية كدة وافتكرت اما والدى الله يرحمة كان بيبعتنى اجيب لحمة كان الكيلو بـ 16 جنية ( بلدى معتبر) النهردة بقى ب60 يعنى تضاعف 4 مرات يعنى بنتى هاتشترى الكيلو ب 240 جنية وقيسوا عليها كل حاجة بنطلون ب1000 جنية ولتر بنزين ب50 جنية وووو ... لازم نفكر لاولدنا
على فكرة انا كنت شغال فى مصنع جاك للسيارات وقبلها كنت شغال فى مصنع جنرال موتور فى 6 اكتوبر صدقونى العااااااااااااااااامل المصرى افضل بكتير من الجنوب افريقى اللى تويوتا بتتصنع فيها دلوقتى وافضل من الهندى واذكى من الباكستانى لكن تظل القيادات هى المشكلة ....اصحاب القرار هما دول الكارثة ودى للاسف مشكلة بلدنا (قول ماثور من احد اصدقائي) طول ما المسؤل شعرة لونة ابيض شايب يعنى خلاص مش هاتاخد ولا تفكير ولا طموح ولا تطوير
|