رد: أنا خايف جدأومش عارف أعمل أية برجاء المساعدة
السلام عليكم
أنا روحت إمبارح عند الميكانيكى وخليتة يفك وش السلندر ويغير الجوان والمفاجئة فعلاً الجوان طلع متحمص من عند فتحات المياه أول لما مسكتة من عند الحتة المتحمصة أتفتت طبعاً أنا اول مرة اشوف الجوان دة وأول مرة أساساً أشوف موتور العربية من جوة ولقيت كمان فى حتت مصدية على الجوان ومكان الحتت المتحمصة فى الجوان متكلة فى وش السلندر بس الميكانيكى قال لى دية حاجة مش خطيرة بس أنا مش عارف أيه هو الخطير علشان أقول ده مش خطير المهم راح نضف وركب الجوان وقفل الموتور بس حصبت حاجة كدة مش عارف دية خطيرة ولا لاء المساعد بتاع الميكانيكى وهوبيقفل غطاء التكيهات راح عصر الجوان بتاع الغطاء وقطع حتة منه بطول صباع اليد ووقعها مع الزيت ونزلت فى فتحة الزيت أنا أتخضيت بس الميكانيكى قال لى متتخضش قوى دية هتدوب فى الزيت أو هتنزل فى الكرتيرة وروحت بعديها مجرب العربية بس محستش بفرق عن الأول غير أن rpm بيلعب ولما بدوس بنزين يزبط والعربية بتترعش رعشة خفيفة بتروح وتيجى بس بصفة عامة أنا أرتحت لما حليت الجوان وطلع بايظ وكان الميكانيكى قال لى أسبوع 10 ايام وتعالى أربط تانى على وش السلندر لما يكون طبع .
بس أنا عايز اعرف من حضراتكو اية اليى أنا أتأكد منة أن العربية كدة تام ولية rpm بيلعب .
|