[السقا]

بص انا معايا موديل 2000 وبيتهيء لي المعدل مش هايفرق اوي لكن هايكون في فرق علشان كاربراتير وانجيكشن
المهم المعدل الطبيعي لو على طريق سريع من 6 / 7 لتر لكل 100 كم
وفي وسط البلد حوالي 8 لتر لكل 100 كم
بس طبعا الارقام دي هاتتغير شوية في بلدنا الحبيبة لأن وسط البلد هنا او في المدينة يعني مش زي اي دولة تانية .. مافيش دولة في العالم هاتفضل فيها ماشي على الاول دا لو مشيت يعني اكتر من ساعة وانت اساسا مش عارف انت واقف ولا ماشي ولا انت عارف تبطل العربية ولا عارف تدورها ولا تعمل ايه يعني من الاخر موقفك مش محدد اصلا ههههههههههههه
يعني هاتلاقي في المدينة حوالي 8.5 / 9 لتر لكل 100 كم
خلي بالك في حاجات بتأثر على استهلاك البنزين بالزيادة طبعا .. لو التاكيهات محملة هاتلاقي سحب العربية قل وبالتالي هاتعوض السحب ده بانك تدوس بنزين اكتر فالاستهلاك هايزيد ولو في تكييف نفس الحكاية والبوجيهات لو فيها واحد مش شغال هاتلاقي صوت الموتور علي " متلتة" وهاتعوض النقص انا ببنزين اكتر .. في حاجات كتير بس قل لي الاول انت عربيتك بتعمل كم كيلو في الصفيحة ؟