[سيف الدين سعيد]

المشاركة الأصلية كتبت بواسطة د.كمال الف مليون مبروك يأستاذ سيف على استلام السياره وربنا يحفظهالك يارب وتتهنى بيها ولله خبر جميل على الصبح..........عايزين اعلان كده فى المنتدى وتقرير مبدئى وانطباع اولى واللون النبيتى شربات عليها

يارب يبارك فى حضرتك يا دكتور . ويبارك لكل مالك سياره فيها ويكفى الجميع شر الطريق والعين .
انا الحمد لله استلمتها امبارح بالليل الساعه 12 بالظبط . وعلى الرغم من انى كنت عايز لونها يكون ابيض الا ان ارادة ربنا ان الدفعه اللى جت وهى كل عددها 25 عربيه فقط . مافيهومش ابيض خالص . فكان الحل البديل انى آخد اللون النبيتى . والحمدلله هو لون حلو برضو .
أما عن رأيى المبدئى فيها : فحضرتك عارفه طبعا . بس أنا امبارح مالحقتش استوعب أى شيئ فيها .لعدة أسباب منها . انى كنت طول اليوم فى مدينة الإنتاج ويادوب رجعت على البيت الساعه 9 أخدت الأولاد وروحت طالع على هناك . وطبعا على ما خرجنا من هناك كنت خلاص جايب جاز . فيادوب جيبتها عند البيت ووالدى خرج عربيته وركنتها مكانها وغطيتها وطلعت . كمان كانت المسافه لا تتعدى 2 كم لأن التوكيل ورانا فى المهندسين والطريق مابياخدش اكتر من 7 دقائق من هناك لعند البيت . كمان الدنيا كانت ليل والواحد مش عارف يشوف جواها كويس . كل دى اسباب خلتنى ماكونتش رأى كامل عنها . بس كل اللى كنت حاسه انى راكب عربيه محترمه جدا بجد . نعومه . وفخامه . وامكانيات . وكل حاجه فيها ممتعه جدا .
عموما أنا لسه ماستلمتش أوراقها لأنها لسه طالعه من الميناء أول امبارح بس . ولسه أوراقها ما وصلتش . فطبعا مش حاقدر اركبها الا لما استلم أوراقها . ادونى فرصه كام يوم . وحابتدى اكتب فيها قصائد الشعر .