[Injection]

ا مركب المونرو و الحمد لله شغالين تمام مونرو من اقدم شركات صناعة مكونات السيارات فى العالم و ليها حوالى 27 مصنع على مستوى العالم وكيل مونرو هو غبور و الشركة ليها عدة موزعين فى مصر منهم: هشام لهيطة بالتوفيقية مركز بيع غبور باول فيصل ابو الحسن بشارع المرور - بين السرايات منتجات مونرو عليها ضمان سنة ضد عيوب الصناعة

وكالعادة يقدم محمد باشا الرد الشافى, ربنا يكرمه.

ال KYB مع أنهم يابانى ومونرو أسبانى, لكن المونرو أثبت كفائته وتحمله, بس المونرو أنشف من الKYB وهيزود الثبات, بس هيقلل الراحة شوية, وهو أغلى من الKYB بس بيعيش وعليه ضمان سنة فمش هيبوظ زى ال KYB.

الكاوتش لو حضرتك لاحظت مساحة الأطار الجديد هتزيد بصورة كبيرة عن الأول, وخاصة أن أرتفاع الكاوتش من الجنب هيقل بنسبة 20% (من 70% الى 50% )عن القديم, ومع زيادة مساحة سطح الاطار أحساسك بالطريق هيزيد, بس فى مقابل ده هتاخد ثبات أعلى وقدرة أكبر على المناورة على السرعات العالية وتحسن فى قدرتك على الفرملة علشان مساحة الاطار الزايدة.

وفعلا زى ماقلت أحساسك بالطريق هيزيد, بس أنا معرفش حد مركب كاوتش أكبر وأشتكى من الموضوع ده أو ضايقه.

ومن رأيى لو مشاوير حضرتك جوه البلد وعلى سرعات قليلة خليك فى ال 13 علشان أحسن على السرعات الأبطأ فى المناورة من ال15 وكمان مريح فى القيادة والطريق لأن حجم الجنط الجديد وكاوتشه هيتقل الدركسيون سنة وهيزود أحساسك بالطريق زى ماقلنا, أنما ال15 قلنا مميزاته