المشاركة الأصلية كتبت بواسطة Adham
عفواً انا لو مكانك و باشتري عربية ب 90 الف مش حاشتري ولا واحدة من دول
تيجو "صينـــي" طبعا لأ
الرينو مش باقتنع بيها كعربية معمرة (عربيات ديليكت قوي باستثناء الرينو 18 التاكسي بتاع زمان) و كقطع غيار غالية نسبيا ومش حمل بهدلة استعمال
الصني سمعة وكيلها مش تمام وتجميع مصري
السوران برضة شكلها مش عافي و تجميع اندونيسي على ما اعتقد و قطع غيار مش سهلة و مش رخيصة برضة
طيب لية ماتفكريش في لانسر بومة
ياباني و قطع غيارها متوفرة جدا و رخيصة و سعر اعادة البيع احسن مافيها
و معمرة طبعا زي اي عربية ياباني
|
اسمحلى اختلف مع حضرتك فى عربيتين
اولا 0وده حسب ترتيب حضرتك
الرينو السيمبول حضرتك جربتها او جربت كليو لفتره عشان تقدر تحكم انها عربيات ديلكت قوى
ثم اللى بتمشى تاكسى بتاعت زمان دى رينو 12 مش 18 يا ريت حضرتك تجرب تركز فى العريبات دى
ثم مثلا عربيه زى الكليو قطع غيارها مساويه لقطع غيار الكورى وطبعا مفيش مجال لعرض الاسعار هنا
وانا معايا عربيه موديل 94 والحمد لله زى الفل
وواحد صاحبى معاه ميجان 99 وبرضه زى الفل
والتانى معاه كليو 2002 وبرضه شغاله زى الفل ما شاء الله
فالعربيات دى مش سفاحه قطع غيار وبتموت ومبتسحتملش
والخلاف التانى بالنسبه للصنى
حضرتك فيه صنى خليى وشكل تانى غير المصرى ودى طبعا مش هيبقى فيها مشاكل التقفيل اللى حضرتك بتقول عليها
وتبقى كسبت الوسع والكفائه والموتور ال1600 احسن من البومه اللى ماليه البلد فى كل حته وبرضه قطع غيارها غاليه طيب ليه
وارجو ان كلامى يفيد حضرتك بالتغيرات اللى حاصله فى رينو واكون افدت صاحبه الموضوع طبعا فى عربيتين انا عن نفسى عمرى مكنت هخرج عنهم فى وقت الشراء
وشكرا اخوكم بوب