المشاركة الأصلية كتبت بواسطة miam0502788391
اهلا بكم بعد الفاصل
معلش النت والحرارة كانوا فاصلين بالإضافة الى العربية قرفانى اليومين دول
الموتور بيسرب زيت وانا ماشى وبالتالى مستوى الزيت بيقل وطبعا لما قلت اعرف سبب التسيرب كان جوان وش السلندر ضرب وطبعا الميكانيكى ساب التسريب ومسك وش السلندر وبعد محاولات وتصليحات وتغيير جوانات ( جمع جوان) الأستاذ الميكانيكى قالى انه بعد الفحص والمحص تبين ان فلتر الزيت هو اللى كان بيسرب وعلى الفور تم تغييره (الهاء تعود على الفلتر ) وغيار زيت جديد
ولكن يا فرحة ما تمت التسريب لسه شغال وبعد الرجوع للأستاذ الميكانيكى مرة اخرى قالى انه اويل سيل الكرنك هو اللى مسرب وتم بالفعل تغيير الأويل سيل اول امس
بس بينى وبينكم انا حاسس انه حاجه تانية اللى بتسرب ربنا يستر
على العموم انا كل يوم بكشف على مستوى الزيت والناقص بزوده
راجع لكم تانى ان شاء الله
|
ربنا يعينك يا زعيم وحاول تشوفلك ميكانيكي تاني غير اللي انتا بتتعامل معاه ده لان شكله كدا نجار وعامل نفسه ميكانيكي
المشاركة الأصلية كتبت بواسطة miam0502788391
|
الله عليك يا دكتور ايو كدا عايزين حكايات جديدة متابع ليك يا زعيم
المشاركة الأصلية كتبت بواسطة خالدخليفة
|
كدا يا عم خالد بتسيحلي كدا في منطقتي وبعدين انا اساسا حالي يصعب علي الكافر والجهاز عندي في البيت مدمر اساسا وسيبت كل حاجتي وبقيت مركز معاك انتا وجهازك واحمد بدر وسيبت كل الدنيا عندي تضرب تقلب
وبعدين انتا اللي جيبتلي الهارده اشحال مكنتش عندك انا واحمد بدر وواخدينه جريح وواخد ضرب تحت الحزام لما قال جاي منك يا عم خالد ومن اللي انتا عامله فيه
وبعدين هنزلك ويندوز ازاي والكيسه والدنيا كلها عندك وبعدين انا ناسخلك نسخة ويندوز وميدهالك علي اساس ايه ان شاء الله
وبعدين جهازك اساسا مكنش راضي يتفرمت اساسا وطلع عين اهلي علي ما فرمتهولك
عمال تديني شلالايت وبونيات في وشي ومفيش كلمة شكر في الاخر وبعدين فين القافر بتاع الهارد الغطاء يعني بتاع الهارد علشان منجيش نقلب منطقة الزيتون علي اللي فيها احنا بردك لينا دهر وفي مجموعة صعايدة كانو بيصيفوا في جمصه وغيرلتلهم خط سيرهم للزيتون علشان هنعلن الحرب قريب
المشاركة الأصلية كتبت بواسطة خالدخليفة
ترحيب خاص واستفسار
ارحب ترحيبا خاصا بأخويا الصغير الدكتور ميام
ولو انى مش فاهم ميام دى تبقى ايه
دى دولة غير دولة نيام نيام والا دولة جنبها
واللى مشكورا انتهز فرصة غيابى وراح ناطط على الموضوع وفيما يبدو ياعينى المسكين انا حبسته شهر رمضان كله والى الأن يقرأ الموضوع
فقرر الهجوم عليه
وللحقيقة
انا سعيد بهجومه الذى اضاف الى الموضوع حيوية بلا اى مضادات حيوية
حكم هو دكتور ويعملها
لكن ادانا حقنتين فيتامين عن بورسعيد ومطروح ويارب يكمل
وميعملش زى جاديكس اللى اختفى من يوم رحلة الهند
وانا من هذا المنطلق الفكرى اللانهائى الناتج عن البعد البؤرى المتمركز فى اللاشعور المنبثق عن كافة منطلقات الوحدة الفكرية المنبعجة والمنحصرة فى كأس العالم 2010
احب اسأل عن اخويا الصغير جاديكس
انت فييييييييين ياجاديكس
(انتى فين ياجهاد / دى يقولها حسين رياض فى الفيلم مع الاعتذار لموسوعة الافلام وكبير الآى تيهات العرب /IT / احمد كروزير)
|
يا عم كرهتني في ام الشغلانه ديه انا هروح اقلب عيشي في حته تانية هشوفلي وكر ارص فيه حجر علي الشيشه يا معلم
المشاركة الأصلية كتبت بواسطة احمد بدر1978
حمد لله على سلامتك يا عم خالد بالنسبة للاخ ال it المدعو احمد ممدوح المتخفى تحت لقب كورسير ربنا يكون فى عونك منة ومن نصايحة الغالية وربنا معاك
|
ياابني حرام عليك ده انا سايب الدنيا خربانه عندي وواهب نفسي ليك انتا وعم خالد ده حتي يوم الاجازة اللي بستناه من الاسبوع للاسبوع مبعرفش اتهني بيه بسببكم انتم الاتنين يا ظلمه
بس اما اشوفك يا مقاول الانفار انتا