رد: هل تحمي الوسائد الهوائية "حقا" من الإصابة في الحوادث؟
اولا : احب انى اشكرك على الموضوع الجميل دة والمفيد لكل الأعضاء بجد موضوع من اهم المواضيع اللى الواحد يقدر يستفيد منها بجد فشكرا ليك على الموضوع .
ثانيا : لو حكلم عندنا فى مصر عن الوسائد الهوائية حقولك عن موقف حصل لى شخصيا وانا ماشى سايق عربية واحد صاحبى لانسر 2009 فول اوبشن وهو بجانبى على الدائرى وبسرعة 80 كم انحرفت عربية نقل عليا بشدة وخبطتنى فى جنب العربية الشمال ومن غير ماادرى العربية خبطت فى سور الطريق اليمين بالمواجهة والوسائد الهوائية علقت ( متفتحتش لأخرها ) يعنى طلعت برة حاجة بسيطة وطبعا كأنها مش موجودة انا رأسى خبطت فى الدركسيون وصاحبى فى الزجاج واتنقلنا على المستشفى فى حالة غيبوبة كاملة وبعد ماقمنا بعد اسبوع وخرجنا من المستشفى صديقى رفع قضية على توكيل الرواس وقدم شكوى فى حماية المستهلك واخذ مبلغ تعويض محترم منهم .
الخلاصة : ان فى مصر تنسى حكاية الأمان والجودة دى نهائى لأن الجشع والطمع من الوكلاء على كل شكل ......... واسف على الأطالة وشكرا على موضوعك الرائع دة
|