كنت عايز اعرف من حضرتك الطريقه اللى ممكن يظبطها بيها
|
للأسف الخبطات اللى زى دى بتتظبط بطريقه تقريبيه
زى نظام الشداد اللى أتعمل معاك عند السمكرى أياه
ولكن هنا مطلوب صنايعى أكثر مهاره ودقه
|
وهل ممكن الركبه دى تتغير مثلا
|
ممكن تكون محتاجه للتغيير ..........حسب حجم التأثر من الخبطه
وممكن تكون اللوحه الحاليه بسبب أعوجاج ولوحه فى مقص الركبه دى
وأنا متوقع هذا
ولذا أنت محتاج فعلا لصنايعيه مهره ( سواء عفشجى أو سمكرى )
للكشف على الحاله صح وتحديد العلاج المناسب
انا زى ما قلت قبل كدا ان السمكرى اللى روحت له حاول
بس بطريقه عشوائيه اجتهاديه مبنيه على الخبره
لكن مش على مقاسات دقيقه بدليل انه عدل الركبه للامام لكن لسه العجله مقلوبه لبره من فوق
|
ما أنا عارفهم وعارف طرق شغلهم بالبركه
بدون حسابات صح أو حتى بوجهة نظر ومقارنات صح
معظمهم للأسف معندهمش نظر فى تحقيق مقارنه صح بين جانبين هندسيين
زى الركبه الشمال وزميلتها اليمين
ومعلهش سؤال كمان
هل سبب رجوع الركبه لورا هو البارومه
|
لا أعتقد ...ولاتوجد علاقه
فالخبطه وعدم تحمل بيت الكرتيره أو حدوث لوحه فى المقص أو تأثر عمود مساعد الركبه هما السبب فى ماحدث للركبه
على فكره
لازم حتروح لمتخصص زوايا بعد عمل الازم للركبه ومكونات العفشه فى تلك المنطقه وكذلك بعد تحديد مدى الأصابه التى تأثرت بها بيت الركبه ( الكرتيره إللى بيبات فيها بطاحة الركبه )
وقدر الله وماشاء فعل