[samirayad]

على فكره

أحنا تطرقنا لهذه النقطه قبل كده والرد موجود فى الموضوع الأساسى للأسف

لأنه كان بينى وبين زميل ( مهندس سيارات )

أما أنا فلست مهندسا فى هندسة السيارات ولكننى مهندس فى المجال البحرى ( هيئة قناة السويس )

فتخصصى فى مجال المحركات التى تعمل بالأشعال بالضغط وليس الشراره

وبفضل الله قدرت أقنعه أن كلامى صحيح مائه بالمائه

وهو أن البوجيه الساخن ( ذو السن الطويل ) هو المناسب للمحرك البالى أو المتهالك أو اللى سيلات صباباته بتودع بحيث بيجىء زيت خفيف على البوجيهات

_________________________ _

طيب ليه كلامى كان أصح ومقبول ومناسب علميا

كلما كان البوجيه أكبر فى المدى الحرارى .....كلما توفرت لديه القابليه للتنظيف الذاتى من الرواسب الكربونيه من دورة الحريق السابقه

أذا هذا هو الأنسب والأدق فنيا

وأما ماتراه من موضوع الكراسى على رؤوس السلندرات والبوجيهات ذات السن القصير

عباره عن تنفيذ من قبل بليه بدون وجه علم

بدليل

موضوع الكراسى لايستمر مع المحركات اللى سيلات صباباتها بتجيب زيت على البوجيهات .....

وكل شويه تلاقى العربيه بتبطل والراجل يقعد ينظف البوجيهات وحكايه عقيمه ( معروفه للجميع )

ولازم بيتحل الوش لتغيير السيلات ( مع معاناة مالك السياره )

أذا الصح فنيا فى مثل هذه الحالات ( أن أردنا الحصول على كفاءة تشغيل عاليه وتطنيش بعض الشىء لتغيير السيلات )

هو أستعمال بوجيه ذو مدى حرارى عالى ( بوجيه ذو سن طويل )

أرجو أن أكون وفقت فى أيصال ما أرجوه إليك