مهندس سمير ازى حضرتك و الله و حشتنا و ارجو انك تكون فى تمام الصحة و العافية و يا ترى حضرتك فاكرنى و فاكر موضوع الليجانزا اللى بتبطل هى الى حد ما قل موضوع التبطيل بس لسه موجود يعنى ممكن مرة فى اليوم و كنت بحثت فى بعض المواقع الاجنبية و وجدتهم يتحدثوا عن الـ EGR و اليوم لقيت حضرتك بتتكلم عليه فهل ممكن يكون هو السبب وهل ممكن اجرب انضفه ولا التغيير افضل و بالنسة لموضوع الجوان ازاى اعمله
|
الله يخليك يا أستاذ : أحمد
وطبعا فاكرك ياأخى
مفيش أى مشكله أنك تجرب تلغى البلف وهو راكب مكانه
من خلال عمل جوان من الكلنجريت ( أعمى من أسفله )
وتجرب العربيه لمدة أسبوع مثلا بحيث نمنع أى عادم من الدخول للمانيفولد
وبكده تظل شحنة الهواء والبنزين نظيفه دائما داخل أسطوانات حريق المحرك
وبكده نتأكد من علاقة البلف بموضوع التبطيل عندك
فمن الوارد جدا يكون هو السبب وراء التبطيل المتقطع عندك ( وبالذات وأنت بترفع قدمك من على دواسة البنزين )
جرب تخللى ميكانيكى يلغيلك دور البلف ده بعمل جوان أعمى
الموضوع سهل جدا وغير مكلف أطلاقا
وحقيقى لو أنت جنبى بالأسماعيليه ( كنت عملتلك القصه دى فى 10 دقايق وأحنا واقفين )
وخللى موضوع تغيير البلف ده حبه على مانعرف
العيب من البلف ولا لا
بألغاء وظيفته لمدة أسبوع أو أسبوعين مثلا
|
حاجة تانية يا هندسة عندى لما اركن العربية لغاية ما تبرد و بعدين ادور بلاقى ان البنزين بينقص بطريقة غريبة و المؤشر بينزل و هذا النزول اعتقد فى حدود 2 الى 3 لتر و الكمية ديه ثابتة لو ركنت العربية لمدة يوم او حتى اسبوع فايه ممكن يكون السبب علما انى لما بدور و العربية باردة بلاقى ريحة عادم مش كويسة
|
ممكن يكون البلف اللى قولنا عليه ليه دور فى ملاحظتك دى طالما كل الأمور التانيه تمام
والريحه دى غالبا ( عباره عن عادم من الشحنه الملوثه داخل الأسطوانات فى البدايه مع نسبه كبيره من البنزين النىء )
تقريبا حتحس أن الريحه دى شبيهه بريحة البيض الفاسد ( أن جاز التشبيه )
|
و لو اممكن استفسار اد ايه الوقت اللى بتحتاجه العربية حتى تصل الى حرارة التشغيل من وهى باردة لان في واحد معاه ليجانزا بيقولى دقيقتين وانا عندى من 10 الى 15 دقيقة
|
عندك الوضع أدق وأصح
فالفتره الكافيه لوصول الحراره إلى حرارة التشغيل بتصل إلى حوالى 10 دقائق
جرب بس موضوع ألغاء البلف والتجربه ( قبل تغييره )
فقد يشاء المولى
وتلاقى حل لموضوعك خلال هذا المنتدى الطيب بمناسبة كلامنا الحالى
ولو عاوز صوره لمكان البلف بالنوبيرا
أنا ممكن أبينلك مكانه ومكان وضع الجوان الأعمى