[2001_mody]

المشاركة الأصلية كتبت بواسطة Injection بص ياباشا أنا فهمت قصدك, بس حضرتك معلش فاهم غلط.

المشاركة الأصلية كتبت بواسطة Injection الجى أم بياخد الأشارة من الكاسيت قبل مالكاسيت يعمل فيها أى حاجة, يعنى بياخد الصوت بعد مالكاسيت يترجمه (سواء من الراديو أو سى دى أو شريط) مش أكثر, فبياخد أشارة ضعيفة جدا ويبدأ الجى أم يضخمها, ده حتى أسمه بالأنجليزى amplifier يعنى مضخم. الجى أم مبيتوصلش على سلك السماعة العادى, الكاسيت بيبقى فيه مخرج من ورا أوديو شمال ويمين زى ده (للتوضيح فقط) ودى بقى صورة الكاسيت (اللى فوق جهاز تانى خالص كنت بوضح بيه الفكرة بس, و الكاسيت اللى تحت ده فيه فتحتين زيادة علشان تركب جى أم قدام وورا والكلام ده, توزيع الصوت يعنى) وبيتاخد وصلة audio left and right من الفتحتين دول لحد الجى أم. الأشارة بتخرج من الكاسيت من المخرجين دول ضعيفة جدا, بحيث الجى أم هو اللى يقوم بعملية التضخيم, وبتطلع الأشارة حسب قدرة الجى أم بالظبط, وعلى فكرة أنت ممكن بالوصلة المناسبة تركب أى حاجة على الجى أم سواء mp3, mp4, mobile وأى حاجة بتطلع صوت . لو خدنا بقى الوصلة من سلك السماعات اللى خارج من الكاسيت, الأشارة هتبقى مضخمة, وبالتالى هتبقى قوية جدا على الجى أم, والصوت هيطلع وحش ومخروش ومش هتقدر تعلى الصوت عن الربع, وده أصلا غلط على مكونات الجى أم الداخلية وعلى الكاسيت. فالكاسيت كل عمله بالنسبة للجى أم أنه بيدى الأشارة فقط لا أكثر ومش هتفرق كاسيت بيطلع 100 rms عن كاسيت بيطلع 10 لأنك طالما مركب جى أم ملكش دعوه بخرج الكاسيت للسماعات, اللى هيفرق معاك جودة الصوت الخارج من الكاسيت لا غير, ومش ممكن تحرق الكاسيت أبدا طالما مركب صح. وفعلا باين من ال rms أن السماعات متركبش على الكاسيت مباشرة, وحتى الجى أم مش هيشغلها بكل قدرتها, هيبقى فاضل 15 rms فرق بين الجى أم والسماعات أنت مش مستفيد منهم علشان الجى أم ضعيف (زى ماركبت السماعات على الكاسيت والصوت طلع ضعيف, بس طبعا الصوت هيبقى أقوى وأحسن بالجى أم) بس الجى أم هيشغلهم كويس فى الاخر. وأسأل براحتك يامستر مودى, وأرجو أنى اكون أفدتك.

***********
كلامك مفيد يا انجكشن باشا وفعلا هو دا الصح وانا مقتنع بيه
وباذن الله هركب واقلك ايه الاخبار وهحاول ادور على جى ام يكون 300
يطلع ال 100 RMS كاملين للسماعات بس فى ناس قالتلى ان قدرة الجى ام لازم تبقى تلتين السماعات
يعنى الجى ام كدا تقريبا مناسب للسماعات ماصحة هذه المقولة يا باشا؟؟