[سيف الدين سعيد]

المشاركة الأصلية كتبت بواسطة AHMEDLADA لادا سماره أفضل بكتييييييييير من 128 لكن مش سهله فى اعاده البيع زى 128 وقطع غيارها مش متوفره كتير زى 128 فحضرتك أسأل على قطع غيارها فى الأماكن القريبه منك و لو لقيتها متوفره عندك توكل على الله وهاتها وانشاء الله هتعجبك لانها انعم من موديلات كتير فى الادا و مريحه فى السفر ولا تقارن ب 128 بس دور على عربيه تكون حالتها كويسه و متتسرعش فى الشراء و أستخير و أدعى ربنا يوفقك لعربيه تريحك انا بكلمك من خلال تجربتى للعربيتين . بس اهم حاجه و الفيصل فى الموضوع حاله العربيه و الموديل

الكلام دا مظبوط جدا . اللادا سمارا عربيه حلوه جدا بس مش منتشره ودا بيأثر على سوقها وسوق قطع الغيار . اما ال 128 . عربيه منتشره وقطع غيارها عند بتاع الخضار كمان . وكل الناس بتعرف تصلحها حتى صاحبها . ( كل دى تعبيرات مجازيه طبعا ) بس مش اريح وانعم من السمارا .
قارن انت مع نفسك وقرر .