رد: البوجيهات فى كلمات
والله يا أستاذ : حازم
البوجيهات التقليديه زى ال ngk اليابانى شغاله زى الفل ومعمره
ورخيصة الثمن عن الأنواع الحديثه (رفيعة السن ) مثل البلاتينيوم
تقدر تقول الشركات من دول مفيش قدامها غير البحث عن كل ماهو جديد من أجل التربح وزياده دخولها
ناس بتفكر يعنى .............مش زى حلاتنا .....مبلطين فى الخط
وكل همومنا محصوره فى أسعار الطماطم والجوافه وخلافه
مما لايعطى فرصه لنا كعرب ومصريين فى الأتجاه نحو البحث العلمى لتنمية أفكارنا وزيادة مواردنا
عموما لكى لاأطيل عليك
أنا شايف أن البوجيهات العاديه والواحد شمعه زى الngk قايمه بالواجب وزياده فى محركات الأشعال بالشراره (زى محركات السيارات )
المهم فعلا هو
أنا حختار أى نوع
1- وماهو المدى الحرارى الملائم للبوجيه المناسب لطراز محرك سيارتى
لأن فيه أرتباط وثيق بين تصميم دايرة الإشعال ونوع البوجيهات
2- هل نظام الأشعال عندى لدايرة تحكم ألكترونى ( محركات أنجكشن ) ولا محركات نظام كربوراتير
دى كلها أسئله يجب الواحد يضعها فى الأعتبار وقت أختيار البوجيهات وده بيتم الحصول عليه من دليل الصيانه لمحرك السياره
ودى للأسف نقطه سلبيه بيقع فيها الكثير من مالكى السيارات الأستعمال
ممكن تلاقى واحد بيبيع سيارته علشان حريق المكنه مش مظبوط
ليه ...................!!!!!! !!!!!!!!
لأن البيه بليه ( قلل الله من أمثاله ) أفتى وركبله بوجيهات غير مناسبه لمحرك سيارته
وبالتالى باظ الآداء مع مالك السياره وبالتالى سيطرت عليه فكرة التخلص من السياره (بسبب جهل بليه )
__________________
قال رسول الله 
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
التعديل الأخير تم بواسطة samirayad ; 23-10-2010 الساعة 10:32 PM
|