رد: اذى اروح القرين ( الشرقيه ) من كوبرى عرابى ( شبرا الخيمه)
قدامك طريقين اما زي استاذ مروان ما قالك تاخد طريق مسطرد وتفضل ماشي جنب ترعة اسماعيلية ولا تاخد يمين ولا شمال لغايه لما توصل ابو حماد ومن هناك تاخد يمين لما توصل العباسة هتلاقي كموبرس بيتعمل هناك تاخد اتجاهه مش الاتاجاه اللي نازل لتحت شوية وتفضل ماشي لما تلاقي مدخل القرين على شمالك
يا اما وانت في ابو حماد بتاخد الطريق التاني للقرين مابشرة ده اقصر بس تسأل كويس علشان مش تتوه لن فيه صينية في اربع اتجاهات ومش عليها ولا علامة ارشادية هتلاقي عندها بتوع توكتوك وبتوع شاي وبوظة تسألهم
ممتعرفش يبقى تخليك في الطريق الاول افضل
الطريق من مسطرد بيكون زحمة جداااااااااااا ابتداء من لاساعه 2 لغايه الساعه 6 او 7 ممكن تاخد ساعه من كوبري عرابي لغايه لما تعدي بعد الدائري بشوية
بعد كده الطريق بيكون معقول لكن فيه مراحل فيه لسه مخلصتش ولذلك فهي اتجاهين فتاخد بالك كويس
ويكون افضل لو مواعيد سفرك تختلف عن التوقيت ده يا اما الصبح قبل 2 ظهرا يا اما بعد المغرب
توصل بالسلامة ان شاء الله
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|