[abdullahalbadry]

الأستاذ هشام تحيه طيبه ، فى جهاز كار كيت من شركة نوكيا ، موجود من زمان (1998) ، وكل فتره يتم تطويره ، أنا عندى الجهاز ده من سنة 1999 ، وكنت جيبه عشان موبيل نوكيا 6210 ، بس لما ظهرت تقنية البلوتوث ، ظهرة الكار كيت اللى بيشتغل على البلوتوث ، ومن وقتها وأنا بعتمد عليه فى أى عربيه بشتريها ، وبغيره كل ما يظهر أى تطوير له.
وآخر نسخه من الكار كيت اللى أنتجته نوكيا ، هو كار كيت بلوتوث وفيه شاشه توضح للسائق الرقم المتصل ، وتمكن السائق أيضا من البحث فى الأرقام المخزنه على الموبيل والإتصال بالرقم دون مسك الموبيل ، بالإضافه إلى الإستماع إلى أى ملفات أغانى أو فيديو مخزنه على الموبيل وكل ده على سماعة العربيه ، وبيتم توصيله بالكاسيت عشان أى مكالمات مستلمه أو صادره من السائق يتم عمل ميوت للكاسيت .
بصراحه جهاز روعه ولو جربته مره مش هتستغنى عنه ، خصوصا أنه مفيد جدا فى الزحمه ، ولما تكون سايق عربيه مانيوال ، لأنك مش محتاج تمسك الموبيل وإنت سايق خالص ، كله تحت عينك وفى متناول إيدك.
ولو عاوز تشوفه ، خش على موقع نوكيا وإكتب بلوتوث كاركيت .
أما على سعره فهو فى حدود 1800 إلى 2000 جنيه وتركيبه سهل ، بس عاوز واحد محترف عشان يوصله مع الكاسيت .