[tham1010]

يا جماعة شارى عربية مستعملة ماتركس 2001 مستوردة من كوريا. المهم وأنا طلع بيها من المنطقة الحرة كان فى مطب عالى شوية أمام الباب فالسواق طلع على المطب مرة وحدة وسمعت صوت طرقعة فى العجل الخلفى. فقالى لى السواق بتاع التاجر أبقى روح لعفشجى يحرق لك على العفشة لان العربيات دى لما بتتشحن فى السفن بيفكوا العفشة بتاعتها علشان توطى شوية فى الكونتينر بتاع الشحن. المهم أخدت العربية وسقتها بعد كدة كام مرة فى طرق ممهدة والمطبات كنت بتجنبها وبخدها بالراحة خالص ومش حصل الصوت دة تانى ومش رحت للعفشجى ولا حاجة.

كنت عاوز أعرف ما الضرر من السير والعفشة مش مربطة كويس وهل الضرر بيكون لو ماشى بالعربية بسرعة كبيرة أم فى المطبات,,, أرجو النصح..... وخاصة إنى أعرف إن العربيات الجديدة فى فترة التلين بتكون العفشة مش مربطة قوى وممكن الواحد يمشى لحد سرعة 80 كيلوا فى الساعة بدون مشاكل...

أنا ناوى اربط العفشة بس مش حاسس إنه أمر ضروروى ولازم بحصل اليوم قبل غدا وخاصة أنى بمشى على سرعات لا تتعدى 60 كيلوا ومعظمها داخل المدن. طبعا فى مطبات ولكن بمشى بالراحة خالص عليها بسرعة لا تتعدى 20 كيلوا ويمكن أقل...