رد: إدارة "نايل سات" تشترط على القنوات الدينية بث أغاني وعدم إظهار مذيعين ملتحين
انا مش فاهم حاجة ولا مصدق بصراحة
انا افهم واقتنع واصدق مثلا تصريحات فردية زى تصريحات بتاع الثقافة ده
انما مالا استطيع فهمه او استيعابه هو قرار دولة بكاملها
ازاى دولة بحكومتها تطلع قرار زى ده
هى مصر مش دولة مسلمة ولا ايه ؟ مش فاهم بصراحة
مش الدستور المصرى بيقول فى اول مادة ان الديانة الرسمية هى الاسلام وان الاسلام هو مصدر التشريع الاساسى للقوانين ؟
هو فيه اسلام تانى واحنا مش عارفين ولا ايه ؟
ماشى الواحد ممكن يستوعب ان النقاب واللحية والتشدد والتعصب وبيخلى ناس شياطين يداروا خلف هذه الاشياء للاضرار بالمجتمع والدولة
الواحد ممكن يستوعب ان الدولة تكون سايبه قنوات معينه تقول حاجات علمانية لاسباب سياسية برضه ماشى
الواحد ممكن يستوعب ان الدولة تعمر حجر وسيطرة فى بعض الاوقات ضد الفتن الدينية والطائفية برضه مااااااااااشى
انما ازاى نستوعب ان الدولة تجبر قناه دينية تزيع اغانى وافلام بمساحه 50 % من برامجها ؟
مش كفاية علينا الضلال الى بنشوفه غصب عننا فى حياتنا كمان مستكترين علينا شويه النصائح الدينية الى الواحد بيمسك فيهم علشان ماينساش انه مسلم ؟
ثم الناس دى اكيد جاهلة ومش بتفهم
هما فاكريين ان الناس المصريين او العرب هايقدروا يعملوا او ينجزوا اى حاجة منغير الايمان ومنغير ما يكون فيه محرك دينى ؟
الى مخلينا لحد دلوقتى بنقول ان الدنيا لسه بخير واننا مش بيحصلنا زى الدول الاوروربية والشيوعية والملحدة من مزابح رهيبة وعصابات مالهاش حل هو الوازع الدنيى مش موضوع ان الامن المصرى قادر يسيطر
حسبى الله ونعم الوكيل
اللهم لاتؤاخذنا بما بفعل السفهاء منا اللهم اغفر لنا وارحمنا انت مولانا فانصرنا على القوم الكافريين
|