سوفت وير جديد للسيفيك 07-10
كنت فى الحرفيين الاسبوع اللى فات وقابلت بالصدفه واحد اعرفة شغال فى توكيل هوندا (التجمع)، وقالى على معلومة جديده ، وهى ان كان عندهم مهندسين من الشركة الام فى اليابان واحضروا معهم تعديل للسوفت وير الخاص بالسيفيك 2007 الى 2010 ، والتعديل ده يخص نقلات الفتيس (خصوصا للناس اللى بتسمع صوت بين النقلات 2 و 3 ) و أستهلاك البنزين .
انا روحت امبارح التوكيل ونزلت السوفت وير الجديد ، و النتيجة المبدئية ان حسيت بتحسن واضح فى نقلات الفتيس، صوت الموتور بقى اهدا من الاول ، بس لسة مجربتش استهلاك البنزين اخباره ايه.
المهم التوكيل مبيعملوش لاى عربية تروحلة ، لازم صاحب العربية يشتكى ان عنده صوت فى النقلات بين 2 و 3 ، وسحب البنزين عالى .
__________________
يا نفس لا تقنطي من زلةٍ عظمت إن الكبائر في الغفران كاللمم
لعل رحمة ربي حين يقسمها تأتي على حسب العصيان في القسم
يارب الطف بعبدك في الدارين إن له صبراً متى تدعه الأهوال ينهزم
|