[mercedes]

المشاركة الأصلية كتبت بواسطة horas3000 و يا تري ايه هو معيار الحكومة لتحديد الاغنياء

السلام عليكم و رحمة الله و بركاته

أنا متهيألى أن معيار الحكومة , أن الاسم الثلاثى فقط للمواطن لا يحتوى على أحد الأسماء التالية :

لو بيحتوى اسمك على اسم من اللى جايين دول و بالشروط المعلن عنها , يبقى أنت من الفقراء المستحقين للدعم , غير كده , أنت من الأغنياء يا حلو و ادفع بأه !!!!!!!!!!!!!

أحمد عز حته واحدة , مش أحمد لوحده أو عز لوحده, خلوا بالكم , أن فى مصر كل اللى اسمهم أحمد عز , فعلا فعلا فقراء يا عينى !!!!!!!!!!!

علاء محمد حسنى , حتة واحدة و راكبين ورا بعض و مايكونشى بينهم أسماء فاصلة .

جمال محمد حسنى برضه حته واحدة و مايكونشى بينهم أسماء فاصلة .

محمد حسنى حته واحدة مش محمد بس أو حسنى بس و مايكونشى بينهم برضه أسماء فاصلة .

مبارك لازم يكون الاسم الأخير و مايكونشى بعد أسماء خالص , غير كده , مش هيتحسب, يعنى من الآخر , أنت عيلتك كلها تتكون من 3 أجيال بس , غير كده يبقى بخ , برة .

نظيف , بس لازم يكون طولك لا يقل عن 2 متر , أقصر من كده , تبقى من الأغنياء .

أنك تكون من عائلة الجمال و ليك أم أو أخت أو خالة أو عمة , أو جدة , اسمها خديجة و جوزها اسمة جمال , لو الشروط دى متوافرة بس اسم جوزها مش جمال , يبقى راحت عليك يا حلو و انت من الأغنياء الغير مستحقين للدعم .

أنك تكون من عائلة راسخ و ليك أم أو أخت أو خالة أو عمة , أو جدة , اسمها هايدى و جوزها اسمة علاء , لو الشروط دى متوافرة بس اسم جوزها مش علاء, يبقى راحت عليك يا حلو و انت من الأغنياء الغير مستحقين للدعم .

المادة 15 من قانون الأسماء العربية لسنة 2008 , لسه فيه أسامى كتير , بس انا مش فاكرها , ممكن تشتروا الكتاب بتاع القانون ب 12314,75 جنيه و تطلعوا عليه عشان تعرفوا أنتوا من الأغنياء و لا الفقراء المستحقين للدعم .

أى حد يطلع اسمه الثلاتى فقطططططط , فيه الكلام ده , هيتحسب من الفقراء و هياخد الدعم , غير كده , هيبقى من الأغنياء و مايستحقش الدعم خاااااااااااالص

و الله شكلى هتقفش النهاردة و هبات فى امن الدولة , ربنا يستر .

MERCEDES S550