رد: سؤال الي ذوي الخبرة و الاختصاص و المطلعين
هو عامة اذا زادت حرارة زيت الهيدروليك في الفتيس الاوتوماتيكي فية لمبة "مبينA/T fluid over heat" بتنور في التابلوة او ان لمبة Nتنور متقطع و ساعتها يبقى تتوقف و تريح العربية لشوية زي نص ساعه مثلا و تتأكد ان زيتِATF الفتيس مش ناقص او فية تسريب و تراعي بعدها انك تغير زيتATF الفتيس في اقرب فرصة و ربما فلتر الصفاية اللي بداخل الفتيس لو كان فات موعد تغييرة
و من اخطر الاشياء وضع عصا السيليكتور للفتيس الاوتوماتيكي عالمور N ثم على ال D أثناء السير و تسبب تآكل الكلاتشات
لكن عامة السير بسرعه ثابتة لفترة طويلة لمئات الكيلومترات ليس مسبب خطورة عالفتيس الاوتوماتيكي حيث ان لة دائرة تبريد للزيت يمر من خلالها الزيت في سربنتينة تبريد موجودة في العلبة السفلي للردياتير
كما ان زيت الفتيس يتم رشة بواسطة بخاخ على كل اجزاء الجير بوكس من تروس واجزاء متحركة طوال سير السيارة
و احذر ان تقوم بقطر السيارة ذات الفتيس الاوتوماتيكي لمسافة طويلة و المحرك مطفأ حيث ان في هذة الحالة يوجد خطورة على كلاتشات الفتيس
اذا مكن ان يتم قطرها و هي دائرة او ان يتم قطرها و العجلات التي عليها الدفع (لمتصلة بصندوق التروس) مرفوعه
اما اذا لم يتوفر هذا و لا ذاك فيفضل رفع السيارة على الكساحه لمكان الإصلاح
بالنسبة بقى للمحرك
موضوع ان القيادة بسرعه ثابتة 100 او 140 كم/س تريح الموتور خطأ
اولا يفضل عدم تثبيت السرعه لفترة طويلة
يعني ماتمشيش ساعتين مثبت السرعه 120 مثلا
و انما راعي ان يتم تغييرها كل فترة زمنية
يعني مشي شوية على 100 و شوية على 120 و شوية على 90 و شوية على 130 و هكذا
و ثانيا المهم هوة وضع عداد لفات الموتور مش عداد السرعه و دة طبعا حسب نوع العربية و تحديدا حسب قوة موتورها و بتالي نسب الفتيس
يعني لو انت ماشي 80 و عداد لفات الموتور على 4000 يبقى غلط
او لو ماشي 140 و عداد اللفات على 4500 او 5000 يبقى برضة غلط و دة طبعا حايبقى في حلة المواتير الصغيرة و ضعيفة العزم و بالتالي بيبقى نسب فتيسها واطية (زي عربيات 127 و 128 و سيات و اي سعه لترية صغيرة)
ومن المهم ان تهتم بغيار الزيت للموتور في مواعيدة
عمر الموتور يتحدد بكفائة تزييتة
و أحذر سخونة المحرك
و بكدة ان شاء الله يعيش الموتور معاك كويس
|