المشاركة الأصلية كتبت بواسطة خالدخليفة

عموما الرحلة مع جمال فى التاكسى دى كانت مثيرة جدا
وفى حاجات تانية مقلتها ش منها القبيح ومنها اللى كنت ناسيه
ومن بين اللى نسيته
زبون ركب معانا من العباسية
المنيل يااسطى
اركب
ركب وبعد شوية عربية ملاكى كسرت على جمال كانت هتطيرله الرفرف
وجمال اتصرف بسرعة وربنا ستر
لكن الزبون مفوتهاش
ونزل شتيمة فى الراجل / انت ياحيوان يا.............يا........ يا.........
انا / خلاص بقى ربنا ستر
الزبون / خلاص ازاى اجرى وراه يااسطى انا هوريه شغله
وانا ضحكت ف سرى / انت مالك مشكلة وخلصت هتكبرها ليه
لكن مخه جزمة قديمة
ولاجل القدر الطريق وقف
والزبون نزل ضرب سواق الملاكى بوكسين فى وشه والتانى نزل ضربه ونزلت انا احوش بينهم


وحدثت المفاجأة
الاشارة فتحت والطريق مشى
وجمال سابنى وهرب
وبعد ساعة وانفضت المشكلة
ادور على جمال
مش لاقيه
فيـيــيـيـيــــيـيـيـيـيـ يـــن بعد فترة لقيت الموبايل رن
ايوه
صوت بيضحك / انا جمال
بغيظ / انت فين
بكلمك من كشك عند محطة الملك الصالح بتاعة المترو تعالى على هناك سلام بقى احسن الدقيقة ب2 جنيه ونص (وقتها )
هههههههههههه
واتقابلنا
وسأ لته / انت هربت ليه
خفت على التاكسى يتكسر
هههههههههههههههههههههه
خفت على التاكسى ومخفتش عليا ؟؟؟؟
انت هتتعالج ارخص من التاكسى هههههههههههههه
وكملنا باقى اليوم بعد م حايلنى شوية وضحك عليا بكلمتين